 |
| 達達會乖乖針針, 一定會好番 相片連結 |
琴日係我嘅正日生日, 簡簡單單喺屋企食一餐啦, 因為要帶達達豬去針灸啊; 不過阿女都比我一個驚喜, 佢再買咗一個豬仔蛋糕比我, 佢話知我鍾意豬仔喎, 我個心甜過個蛋糕啦!
豬仔豬仔, 我今次真係鍾意到要食咗你落肚喇，wahahahaha.......
今次係達達第二次做針灸, 琴日番屋企後比佢休息, 無咩點比佢行, 今日瞓醒感覺佢係有改善, 企得較穩喇, 當然無網上講到咁神奇, 還是達達復完較慢, 我會比多D時間！
琴日喺醫生度買咗艾棒, 醫生教咗我點幫達達, 每日做15分鐘，會幫忙好大, 太熱時我加塊薄巾隔一隔啦！
 |
| 見到波波個樣仲慘過達達, 心痛c我！ |
都係放番達達入圍欄, 唯有隔住望下算喇; 波波好乖, 成日坐近陪達達; 因為達達唔可以同波波一齊玩, 做就咗豆b成日跟住細佬喇, 連波波去尿尿隻豆都守住個洗手間！
等達達係圍欄一段時間, 就抱佢上床瞓覺, 佢喺圍欄內成日兩頭行, 行過咗龍又驚整傷嘛 !
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
