.jpg)
由最初養bebe開始, 到佢抽筋心臟病, 及後每一隻都有不同症狀, 每一次面對都好徬徨, 呢D真係唔可以話見過就會放心得落, 真係好難形容嗰種感覺, 就係咁震騰騰....一關一關咁過！
明日會係咩結果, 只要唔好同我講要做手術, 任何治療我一定盡量配合, 我真係唔捨得要達達豬捱刀囉！
禱告再禱告, 我呢個無宗教信仰嘅人, 只有臨急抱佛腳, 求求上天幫忙！
今日主力學習狗狗嘅按摩術, 上youtube睇片, 努力鑽研！
我非常同意某條短片, 主持人話動物骨頭筋膜嘅毛病, 除咗西醫西藥,其實針灸按摩, 利用中藥治療動物, 已經有好多年, 歷史深遠; 當然西方醫學較快較明顯, 但另一方面都較多副作用嘅風險; 佢話只要循序漸進, 肯花多D時間落去, 問題大都可以解決, 咁當然有D真係要靠手術治療啦!
無論要花幾多時間, 只要有正面進展, 我一定比佢適當治療; 達達情況唔係咁壞嗟, 我要比D正能量佢, 聽日一定要順利過渡, 我唔要做手術呢招!!!!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
