近日因為達達脊椎問題, 多留心咗有關呢方面嘅資料, 大家都要留心自己嘅寶貝, 尤其係當佢哋年紀漸大, 有好多微少嘅改變, 係身體機能正在倒退嘅指標!
下面嘅連結, 大家不妨睇一睇, 有好幾點我都喺達達身上發現, 請多D留意你嘅毛孩!
http://www.petsmao.com/post/438/?page=1
例如我有見到達達身體脊椎有出現輕微彎曲、尾巴搖動嘅位置越嚟越低、行路速度變慢、腰部好似變低咗.....
呢一切一切, 都話比我哋知我哋毛孩身體開始出問題, 再唔願意, 都必須承認狗狗年紀越越大, 健康會慢慢變差!
達達豬先剛7歲, 係咪有脫毛症嘅狗狗會老化得特別快? :'(
湊達達真係頗辛苦, 身體太多毛病喇， 脫毛症都未搵到係咩一回事, 正開始新嘅嘗試, 又嚟椎間盤問題 :(
不過無論係點, 我都會盡能力幫佢, 比佢最好嘅照顧; 從我養bebe開始, 我就記住佢哋嘅世界只有我, 無論遇到任何事, 我都一定對佢哋不離不棄, 因為係我選擇帶佢哋番嚟!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
