.JPG) |
| 達達豬等緊見Dr.Sam |
上星期約好時間, 排期到今日, 今日帶達達豬開始針灸治療!
其實我都有擔心㗎, 達達豬咁敏感, 點肯比人掂呀? 仲話要針針, 話唔痛都總會有感覺嘛, 佢會唔會典嚟典去, 典到癲咗, 落唔到針㗎?
預早少少去診所啦, 今次地點好近地鐵站, 即使我係路盲, 都好易搵呀!
到咗診所, 感覺都幾warm, 有幾隻小狗自由行, 佢哋會落住門欄, 唔怕會走狗啦; 不過隻惡女達達, 一見狗狗行近, 就發脾氣喇, 又“胡"又"掀"嘴, 成隻老虎仔咁啦!
入到診症室, 唔記得講比醫生聽呢隻係老虎仔嚟㗎, 害醫生差D比隻惡女咬, 佢話好彩縮得手快, 哈哈!
惡女達達喺Dr. H度已經出晒名喇, 唔好間間診所都咁出名.....惡啦！
多謝A介紹呢間診所比我, 醫生幾好人, 佢解釋好詳細, 最重要係肯配合達達, 做達達豬背後嘅男人嘛, 哈哈哈.....
達達好怕人向佢伸手㗎, 喺佢身後做嘢就好好多啦, 只要佢見唔到, 就合作好多喇; 今日一共針咗13針, 照住紅外線, 拔針前再用艾炙暖吓枝針添!
做完晒再check吓達達隻脚仔, 反應真係快咗喎, 希望針灸真係會幫到達達.
現階段每星期針一次, 因應進度再調較！
 |
| 毛巾嘅紅光就係照住紅外線 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
