 |
| 相片連結 |
自從達達椎間盤出事真係好忙, 每日從早忙到晚, 都唔知點解無晒D時間 :(
一早從8點開始餵早餐, 10點又要餵藥比達達, 醫生話幫助血液循環嘅藥要空肚食嘛, 都想同早餐時食嘅甲狀腺藥隔開少少啦.
中午12點餵午餐, 餐後一小時內唔適合做按摩同艾炙, 到下午1點後就同達達做呢個治療喇。
2點要餵湯水, 飲湯係佢哋唯一肯自己開動嘅時間(達達依家唔止慢一拍, 要餵添啦), 因為3隻豬唔肯自己飲水, 平時都要用針筒餵, 依家要餵得密D添啦, 天氣乾燥加上做完治療要排毒, 要飲多D水啊。
3點同對twins做按摩加艾炙, 波波腰仔都有事, 豆b腳仔都要保養啦, 咁樣一隻一隻分開時間去做, 我好似無時停啦!
一轉眼4點又要餵晚飯加保充筋骨關節嘅supplement, 6點再飲湯, 分兩次飲唔使一肚水嘛; 8點對twins食眼仔保健品, 達達要食第二次藥喇, 我要暫停達達嘅eye supplement, 太多太亂, 頭都暈晒 :(
晚上9點係噴牙仔時間, 跟住同3隻豬按摩, 天氣凍咗怕佢哋關節僵硬, 要按摩多D啦; 10點食完黑酵母一日嘅程序先做晒, 連自己食三餐都係攝住時間, 更家無時間兼顧其他, 真係好慘!
自從達達出事都無同3隻豬行街街, 一來好凍, 二來達達未可以行, 要困住休息多D, 只可以限時走動吓!
呢隻豬依家好勇猛, 雖然仲有腳仔震震, 但一放出圍欄就猛衝猛跑, 嚇死我啦, 唯有放埋對twins入去陪吓佢, 等佢唔使被隔離咁慘啦!
 |
| 波波入圍欄會乖乖瞓床仔 |
 |
| 豆b著兩件衫, 天冷都一定唔肯離開塊電暖墊， 佢超怕冷 |
 |
| 凈係隻曳豬達達唔肯入床仔, 困喺圍欄仲好似好慘咁啦 |
希望達達快D將病情穩定, 唔使再密密出去針灸, 唔使再餵藥就多番D時間啦, 到時雖然天氣凍, 佢哋都應該已經習慣, 咁就可以去街街啦！
依家每一日我都覺得好攰呀 😖!
 |
| 達達係都要兩頭跑, 放出嚟點得了！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
