預防勝於治療

今日老公幫達達做艾炙, 達達豬最嗲爸爸啦, 我鋪好暖氈準備好物料, 就叫老公幫達達做喇, 今日我做揸機影番幾張相啦 :)
 
達達見到爸爸拎住艾棒, 已經乖乖咁瞓低, 郁都唔郁咁配合晒, 仲好放鬆好快瞓著添, 難怪老公咁錫佢啦! 
哼...我好妒忌啊, 枉我撲嚟撲去為呢隻衰豬揾料揾醫生, 喺佢心目中我嘅地位都係唔及爸爸咁大.....

 

 

 

 

我問老公有無覺得達達有好嘅改善, 佢話行走唔太明顯, 因為原本都算唔上太壞, 但精神方面就覺得好咗, 精靈咗好多啦!
可能針灸幫到佢整體健康, 達達豬改善咗血液循環!

 

呢兩日都猛上網睇料, 要加強自己信心對呢個針灸治療,  其中係睇到好多狗狗有好好嘅改善, 但亦睇到有好多狗狗病發時東歪西倒嘅苦況, 真係好心酸; 真係要打醒精神睇住佢哋每一個改變, 病情嚴重咗就算醫到都一定不復從前!

一於決定從今以後為佢哋鋪上長地氈, 減輕佢哋行走地磚嘅壓力, 亦會每晚同幾隻豬仔做按摩保健; 今次達達事件, 我真係好驚好驚啊!

  

上網搵晒狗狗穴位嘅資料, 達達艾炙暫時集中做治療, 會focus喺後盤嘅幾個主要穴道, 然後幾隻豬做保健, 就會全身按摩, 等佢哋氣血通暢, 一於預防勝於治療!

達達豬主力做呢幾個穴位

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！


聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用。但我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁啫, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！