今日同達達沖涼, 試吓幫佢用petEsthe浴鹽浸吓, 我有用呢個牌子嘅扶養泥, 係好嘢嚟㗎, 所以我都放心試用啦!
因為覺得達達皮毛都係好乾吓, 依家浸微泡浴我無做搽油呢個療程, 諗住浸浴鹽方便D啦!
 |
| 今日D水又無上次咁白喎，有咩做得唔啱？ |
6款香味中, 我選咗椰子香草味, 會保險D; 未試過其他用料成份, 驚住達達唔知會唔會敏感嘛; 但好失望, 用完無預期嘅效果, 兼且D毛毛吹極都好似噠埋, 自己隻手摸住都好唔舒服呀!
可能配合微泡呢個唔啱, 無辦法下用dermagic shampoo洗多一次, 再過清水, 浸多5分鐘微泡浴啦 :(
以後再唔敢用其他新產品喇, 好麻煩!
跟住同波波豆b沖涼, 同佢哋清咗肛門腺, 用shampoo洗洗pat pat, 就浸微泡浴喇.
攪完3隻豬跟住餵晚餐, 但.....我見到達達腳仔又震, 仲後盤又有搖擺啊 :'(
點解???
點解時好時壞? 開心都無兩日又一盆冷水淋過嚟, 好慘:(
我嘅信心又無晒!
我唔介意佢好得慢, 只要有進步我就知自己做得啱, 但唔好咁反覆嘛, 咁我會好擔心啦!
我都無偷懶, 今朝都有同達達做艾炙, 夜晚又做場效應治療啦, 仲笑話隻豬依家好識歎,每次同佢做呢D物理治療, 佢都瞓覺!
本來諗住漸入佳景, 點知又反彈 :(
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
