 |
| 相片連結 |
今日達達第四次針灸, 由察覺佢腳仔無力, 轉眼有一個月喇, 時間真係過得快！
達達做呢個針灸治療, 效果唔係上網嗰D形容得咁神化, 但每次做完都見到有些微改善, 唔係無改進, 係未到最好啦; 我之前都猛睇資料, 大都係話急性嘅椎間盤問題, 反而針灸效果好快就見, 但慢性嘅, 就要時間慢慢改善; 急性嘅椎間盤問題比慢性嘅傷害更大, 還幸達達應該算係慢性, 我唔介意花更多時間, 只要佢有好轉!
今日Dr. Sam問我達達情況係點, 我老實回答, 都仲有脚震同企得未算太穩, 但同一開始針灸嗰時係有好轉啦; Dr. Sam再小心檢查達達, 因為我有擔心會唔會係髖關節問題導致佢行得差啦！
Dr. Sam詳細檢查過, 髖關節無問題, 連韌帶都無傷, 反射神經好好,唯一明顯見到嘅問題係關乎膝關節, 但3個醫生都話達達呢個問題存在久遠, 而二級移位唔算太嚴重, 咁係咩問題令到佢下盤會搖呢?
好啦繼續做治療, 我自己有懷疑達達係就住隻右後腳唔敢用力, 所以企得唔好啦; 近來集中同佢按摩, 明顯覺得佢右後腳肌肉較弱, 可能佢一直都有就住就住, 但係我唔察覺到啦 :(
今日做完第4次療程, Dr. Sam話放佢落地行吓, 睇吓有無行得好咗, 又睇吓有幾差!
唔使講一定差啦, 又無地氈又唔係石屎地, 叫佢點行呀?
但達達有行, 仲係咁耐以來行呢種地下行得最好嘅一次, 雖然行到好似隻曱甴 :)
Dr. Sam當然唔知啦, 佢認為達達行得麻麻, 但我同佢講, 達達好叻喇!今次係針灸以來我見到最好效果嘅一次, 達達豬繼續加油啦!!!
 |
| 開始時幾惡死 |
今日有兩段小插曲, 入到候診室等候期間, 達達見到自由行嘅狗狗, 惡到"胡胡"聲啦, 但做完針灸出嚟, D火氣無晒, 好乖乖睇住狗哋行, 連隻poodle跳上梳化坐喺佢隔離, 佢都無惡啊!
 |
| 有幾隻狗狗自由行, 走嘅時候心情好晒 |
達達果然好聽話, 惡完一輪就乖乖比 Dr. Sam落針喇, 一直都無郁好乖乖; 姑娘幫達達hold住手仔脚仔, 佢話達達真係好細隻呀, 哈哈!!
我呢, 一路同佢按摩住印堂, 等佢放鬆D啦!
番到屋企餵咗佢食午餐, 快快帶波波落去行吓, 要爭取時間; 順手拎咗達達除低嘅衫比波波披上, 琴琴青咁同佢出去行一round啦, 太耐無出去喇！
 |
| 波波都係唔鍾意著衫, 一著衫個樣好慘! |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
