 |
| 相片連結 |
今年完全無mood同3隻豬影過節相, 連落樓下影番幾張都一拖再拖, 今日已經係聖誕前夕, 聽日係假期一定人多都係免麻煩; 早幾日例行公事咁叫做影咗今年嘅聖誕相, 以為可以收爐喇, 點知阿女又訂咗靚靚嘅cupcake比我, 手功做得咁靚點捨得唔影低佢吖, 簡單做個背境都一定要影吓!
已經無再諗要訂過節食物比佢哋喇, 依家D狗狗食品越做越靚, 五顏六色好鮮艷, 如果用糖膏制做又唔適合食用, 咁好浪費啦, 雖然話可以留為紀念, 但始終唔放得好耐, 糖嚟嘛!
兼且一份又咁多件, 佢哋好難食得完, 唔可以怕浪費就猛塞佢哋食嘛!
今年生日會後決定除咗係生日蛋糕, 以後都唔再訂購過節食品比佢哋喇, 除咗係自制會就住食材同份量, 寧願買D靚肉比佢哋加餸仲實際啦.
以後要影應節食物嘅相, 不如益我好過啦, 買嚟做道具比佢哋影相, 我揀D自己鍾意食嘅, 捱吓義氣幫佢哋食咗佢算喇, 哈哈哈!
今次阿女買嘅呢D cupcake, 少甜、無香精、 色澤係天然果茸、無人造色素; 咁比佢哋舔少少都無壞, 但要訂比佢哋食咁多件就免喇, 舔吓就算係同我哋一齊慶祝咗啦 :D
平安夜, 留喺屋企休息吓, 一日嘅工作都無鬆懈, 都真係覺得好攰, 好似就嚟要病咁, 不如早D休息飲番杯感冒茶打底啦!
祝大家平平安安, 聖誕快樂呀!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
