琴日達達做針灸治療期間, 同Dr.Sam傾談, 佢問我有無幫達達做艾炙呀?
梗係有啦, 我係勤力媽媽, 點會偷懶 :)
呢兩日同A喺度研究“場效應治療儀”, 呢個係乜東西, 事關我轉貼嘅文章中, 有提及呢個儀器, 話對不良於行嘅狗狗幫助好大, 因為會打通經絡加強血液循環, 我有向Dr.Sam請教!
Dr.Sam話要血液循環好, 一般熱敷都可幫助到, 而針灸已經係幫緊達達打通經絡, 佢無評論呢個儀器, 咁即係都無好大必要啦, 因為達達豬復原唔差嘛!
咁我每日keep住同佢做艾炙啦, 晚上再同佢熱敷吓脊椎同膝關節都好夠喇, 都係唔好做over咗啦!
既然艾草對達達有療效, 咁我就叫老公去買包艾絨, 然後做個布袋, 蒸熱為達達做熱敷啦, 蒸完個艾草枕全屋都瀰漫住艾草嘅氣味, 好彩對狗狗無害咋, 而睇嚟佢哋都唔抗佢, 因為我拎住包艾絨比波波聞, 佢想舔啊, 咁即係佢都鍾意啦!
咁一於都幫佢哋輕輕敷吓, 希望波波同達達背脊嘅問題, 永遠都唔再發作啦; 敷完後豬仔D毛毛都好重艾草嘅氣味, 都唔慌會有昆蟲嚟咬喇 :)
今日都好凍, 3隻豬都瞓晒,波波同達達上大床, 豆b瞓番佢嘅床仔啦, 我將塊電暖墊放喺床口, 佢有時鍾意爬半個身出嚟, 依家地磚咁凍, 凍親就慘喇！
自從達達有事, 我好似無晒時間, 一整日都好似有嘢忙住, 就連影聖誕相都差D忘記咗啦, 往年我都已經同佢哋影咗喇！
不過今年無mood做呢D, 太多事煩, 但又唔想skip咗呢個每年必做嘅事, 等過多幾日天氣暖D, 就求求其其影番幾張啦！
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
