 |
| 本來都OK㗎, 越等越緊張啦 |
今日第二次帶達達豬針灸, 佢到咗診所好緊張, 反晒白眼, 攪到我都緊張埋; 等咗一陣入去診症室, 醫生先同佢檢查, 好小心按壓過晒, 都係無痛嘅反應, 咁其實情況唔係太壞, 本來想達達行嚟睇吓, 但達達邊敢行磚地吖!
今日都係落13針, 背脊8針脚仔5針, 達達算合作喇, 都無典來典去, 因為醫生已經知佢性格, 唔比佢望到啦; 我都係企係佢面前同佢傾偈, 隔一段時間醫生會check吓D針有無鬆啦!
今日落針嘅時間比上次耐咗少少, 循序漸進啦!
喺等候嘅時間, 同醫生傾談, 我問點解針灸會幫到達達, 呢幾日上網都睇到有唔少例子, 狗狗做針灸係癱都可以行得番, 理論上突出咗嘅軟組織唔做手術切除, 都一直存在嘛!醫生話中醫嘅角度係狗狗嘅經絡受阻, 做針灸係幫佢打通穴道, 中西醫各有做法!
我再請教網上話用風筒吹等同熱炙效果, 係咪咁都得㗎; 醫生話艾炙有佢一定功效, 艾草都有其作用嘛, 艾草具回陽、理氣血、逐濕寒嘅作用, 點同用熱風吹咁簡單 :)
好啦咁我努力練習, 今日醫生同我上咗課㗎, 原來都要幾熱咁碌落去, 唔睇住自己唔試過, 咁熱我真係唔敢幫達達豬碌啦!
醫生提醒我今日要比達達足夠休息, 因為打通經絡後佢錯覺自己好番晒, 會起勢跑, 通常都係呢個原因整傷番; 咁番到屋企餵咗午餐, 都係困籠比佢瞓覺好喇!
醫生係一個正統獸醫BVSc(Melb), IVAS Cert MRCVS, 佢感覺西方藥物對動物嘅幫助始終有限, 所以積極進修希望藉由針灸及中藥用來扶助傳統西方醫術, 獲得國際獸醫針灸協會文憑及完成獸醫中草藥基礎課程, 由佢嚟講中醫中藥, 我安心好多㗎!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
