 |
| 相片連結 |
琴日同3隻豬出去行, 開始見到達達步姿有改變, 無弓住個身咁緊, 頭仔都無耷得咁低, 最明顯係面部表情放鬆晒!
波波就無大改變, 無見到狗狗行得好好, 一放番上車又吠又跳; 我努力刨書, 但實踐唔容易, timing真係好緊要; 不過我會繼續嘗試不同方位去幫波波豬!
呢種天氣對豆b氣管係一個大挑戰, 佢行好短路程都會喘, 我都唔敢比佢行得耐, 行一陣就作算!
自從上星期帶3隻豬認識咗新朋友仔, 就好期待今個星期嘅約會, 我見到達達有好正面嘅影響, 心情越嚟越開朗, 我希望對波波嘅情緒都有正面嘅幫忙啦!
要解決情緖問題從來都唔容易, 等同治療一個病症咁艱難; 我希望波波有D新朋友仔較多互動, 會慢慢無咁緊張啦!
情緒同健康係一個相連嘅問題, 情緒直接影響健康, 健康都一樣影響情緒, 唔係小問題嚟架!
明顯見到嘅例子係達達豬, 佢甩毛時期情緒好壞, 依家恢復正常毛毛狀態, 連情緒行為都步向正常; 今日見佢自己行入圍欄喺水兜飲水, 真係開心到標眼淚, 一件微不足道嘅小事, applied喺唔同對像身上, 迴嚮係好唔同 :)
波波一定要好好調整情緒, 希望唔好引發出健康問題啦, 遲D同佢驗血又要同Dr. H商量計仔喇!
目前希望新朋友仔對佢有D新刺激, 佢會融合到玩埋一齊啦, 如果佢可以一齊相處一齊玩, 一定有正面幫助; 上次到約會尾聲佢先放鬆少少蹦緊嘅情緒, 今次會唔會好D呢? 波波係一個好頑固嘅個體, 唔易話為!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
