 |
| 相片連結 |
一個期待已久嘅約會, 今日終於可以如期前去!
同V定下一個約會, 帶3隻豬同佢兩隻松松會面, 等佢哋擴濶社交圈子 :D
但自從約好日期, 就日日都落雨, 行雷閃電都未夠, 仲要黑雨都出埋嚟, 睇情況應該都係無得出去喇; 點知今早一起身, 就發覺一天都光晒, 真係天公造美, 連個天都幫3隻豬 :)
波波都好耐無見朋友仔喇, 近來同佢出去, 每見到狗狗都又撲又吠, 以前佢都唔會咁, 點解近來咁曳曳? 自從定下呢個約會, 個心都有D忐忑, 好怕佢見到V嘅松松又無禮!
以前一大班松松上studio影相, 波波見其他松松都無吠, 但都係放繩無束綁住佢先OK, 真係好想知道放繩後佢有無改善暴衝嘅脾氣; 而且近來佢脾氣好差, 書本話呢D係受壓引伸出嚟嘅行為, 但我真係唔知佢嘅壓力來自何處?
唔通就係出街要拖住佢? 佢見到人家狗狗可以自由行, 佢就要綁住, 所以自卑? 我真係覺得佢越行得多就越壞脾氣, 相反出去無見到狗狗又開心D!
今日終於出去同V嘅B仔B女見面, 見到新朋友仔, 佢會唔會衝埋去? 會唔會咬狗哋? 我仲緊張過佢 :)
其實要安排一個適當嘅場地已經唔容易, 要安全無其他狗狗, 又要可以放繩唔怕走失.....
我唔需要環境優美, 只要100%安全就OK!
同V都做過一D部署架, 先比3隻豬熱身, 放繩陪佢哋跑一陣, 等佢哋熟識環境先, 然後V再帶佢嘅B仔B女落嚟, 遠距離停低, 等波波見下佢哋, 然後等佢自己決定行唔行過去!
明顯波波都係緊張, 但慶幸佢一聲都無吠 :) 今日係佢哋第一次見面, 無打交我已經好滿意!
波波超慢熱,大部份時間都無接觸狗狗, 但佢並無抗拒有其他狗狗喺佢周圍走來走去, 緊張得嚟都算OK; 反而佢對陌生環境頗好奇, 四圍走四圍去; 到咗差不多時間要返屋企, 先見佢同朋友仔有互動, 有做一D安定訊號, 會比狗狗聞, 但佢要warm up 咗成兩個鐘 :(
 |
| 波波做calming signal |
達達豬今日比我一個好大嘅suprise, 一開始我同V講達達咩都唔會理, 應該都唔會同B仔B女做到朋友, 行近D佢都會鬧狗哋....
但今日達達好神氣, 只係初時表現得有少少緊張, 之後佢完全收放自如, 見到佢放鬆晒行來行去; 亦會主動接觸新朋友仔, 即使狗狗聞佢都無脾氣, 似乎同朋友仔好啱key; V嘅怕醜B仔好鍾意佢呀, 一路跟住佢, 難得個惡女又OK, 今日達達豬變身sweetie :)
 |
| 幾叻女! 企係新朋友仔旁邊 :) |
反而我一直最放心嘅親善大使豆b有D失準, 跑咗幾圈就扯晒氣!
可能天氣唔啱佢啦, 其實今日唔算熱, 我哋停留嘅地方仲好好風, 不過氣管敏感就係差D! 唯有放番佢上私家車等佢休息吓, 見到佢好想落地, 但都唔可以勉強而為!
 |
| 唔敢比豆b落地喇, 佢索晒氣 :( |
期望下次見面佢哋會比較熟絡, 希望波波唔使熱身咁耐, 會友善對待朋友仔; 達達就更進一步, 比今日更加神氣, 豆b就氣管ok啦!
3隻豬番到屋企攰死死囉, 訓到好似死豬 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
