 |
| 兩隻女成日擠咗波波去後面, 梗係嬲咗你哋啦! 相片連結 |
今朝一早又落雨, 早上無得出去行, 諗住落過雨氣溫會降低, 中午等佢哋食完嘢就去行吓; 點知突然天又黑晒, 仲行雷閃電, 又落起雨喇!
近日天氣真係好唔穩定, 唔通又無得去街? 成日困喺屋企, 怕咗波波脾氣越嚟越壞, 即使唔落地下, 都要坐住車仔出去遊吓花園啦! 點都叫吸吓新鮮空氣, 唔係每日都活喺空調下嘛 :)
雖然唔行, 都一樣做足預防程序, 身上噴上防虫噴霧, 連架車仔都四圍噴灑, 呢個係高危季節嘛!
熱天出外, 一定帶備噴水壺, 太熱可以噴灑; 再圍上冰頸巾, 車仔鋪上冰涼墊, 仲有風扇一把, 唔太熱都OK喇, 極熱的話, 都係唔敢出去, 中暑就死得喇!
行完花園落商場, 又去PET SHOP同姐姐傾吓, 今次仲有姐姐個老闆一齊吹水呀:), 講起原來之前佢都有養松松架, 不過已經走咗; 佢話松松係中暑, 佢原本無為意, 因為嗰日唔算太熱, 但同佢去散步其間, 佢唔願行, 夜晚就嘔, 睇落好唔妥喇, 同佢去急診都救唔番....
真係好驚, 太熱我都係唔比佢哋出去行, 最多坐住車仔遊吓算喇!
我發覺我真係好多嘢都擔心, 養3隻豬成日都耽驚受怕, 對佢哋少D保護都唔得呀!
我咁緊張, 唔怪得波波都咁緊張啦, 原來狗似主人都真係有根據架 ;(
以前有人同我咁講, 我都唔信, 我隻隻狗狗性格都唔同, 邊隻似我?
佢哋話..... 係你最錫果隻囉:P
 |
| 都係達達最乖, 識過番去陪波波 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
