 |
| 相片連結 |
今日老公放假, 決定同工人姐姐帶三隻豬仔去遠D玩!
我真係希望揾到一個地方, 唔係馬路旁邊, 無咁多車行, 唔使達達受到驚嚇; 又希望揾到個地方, 無咁多狗狗, 等波波可以輕鬆D唔使緊緊張張, 成日碌大對眼!
琴晚食完晚飯, 到處逛逛, 睇吓邊處可以帶佢哋去行; 我唔介意要步行遠少少, 因為無打算日日去嘛, 保守估計每星期行一兩次都容易辦; 今日帶同3隻豬仔去新地方實地瞰察, 睇吓適唔適合佢哋行, 要睇吓日間會唔會多人多狗, 要清楚形勢先易辦!
今日3個人帶3隻豬, 一對一照顧應該唔難, 希望可以比佢哋開開心心咁玩玩啦!
又多咗個地方選擇, 超讚!
去到目的地都唔見有狗狗, 可能呢個係午飯時間; 因為路程較遠, 我唔想嚟到見到其他狗狗無得比佢哋落地行, 所以都係選一個會係較少人出動放狗嘅時間! 不過今日好熱, 熱到我唔係好敢比佢哋行, 途中仲要開埋把遮放喺車頂, 怕3隻豬仔太曬!
我諗路上嘅行人一定以為係bb仔, 如果知道係狗狗, 一定當我係黐線架 :)
去到新地方都叫有D新鮮感, 無細路都無狗, 不過咁熱邊有人好似我咁傻蛋, 喺呢個時候出嚟行吖 :(
好彩都有D陰涼地方比佢哋行吓， 仲有D風, 唔係變咗熱狗就慘！
下次要改過時間, 地下太熱會灼傷脚板, 最驚係中暑就未必可以死裏逃生！
今日佢哋好開心, 喺安全地方放繩跑咗一陣間, 呢個公園仔係狗友介紹, 比較隱閉好少人行, 佢嘅狗狗都會嚟呢度玩! 不過明知不可為而為之,真係壓力大, 明知係偷雞, 真係唔敢留咁耐時間, 下次都係咪攪, 只此一次入去影番幾張相, 算係到此一行好喇!
跟住上番繩再出去行, 嗰個地方都算係一個唔錯嘅選擇, 如果近D我會日日過嚟, 依家嘛....如果改變時間後都係無狗狗, 我會嚟多D啦 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
