 |
| 好耐無喺圖書館借書lu |
大雷大雨唔使講都無得出去, 咁嘅天氣打亂晒我嘅約會程序, 聽日同狗狗有個約會, 都唔知有無得出去 :(
咁天氣唯有留喺屋企刨書, 繼續學吓點去教好佢哋! 3隻野就瞓覺豬 :)
琴晚半夜行雷閃電好恐怖, 達達豬點瞓得到吖, 嚇到佢叫到好嘈; 佢同波波一齊瞓嘅, 波波都比佢咁走嚟走去攪到無覺好瞓, 開始抆掙; 我唯有抱佢上床同我一齊瞓啦!
抱咗佢上床佢都仲係驚到震, 又爬上我枕頭又踏落我面, 佢已經驚到失晒魂; 我即刻起身拎咗樽Chill-Out埋嚟, 喺佢四圍猛噴, 希望呢隻香薰幫到佢啦!
一路留意住佢嘅動態, 過咗無幾耐佢果然可以坐低, 慢慢就挨住我瞓埋; 達達豬對另類治療頗受落, 咁都無咁慘!
今日天氣仍然咁差, 仲要係"黑雨", 行雷閃電更不在話下; 達達豬都係好驚, 兩頭咁跑, 我同樣用上Chill-Out, 幫佢床仔猛咁噴, 然後再噴灑係佢四周, 今日好轉無琴晚反應咁快, 但都感覺有幫助, 終於都冷靜咗可以瞓番一覺; 如果下次再天氣咁差, 要加埋花藥幫助, 不過琴晚自己瞓到矇查查, 唔記得喇 :)
波波琴晚都應該瞓得唔好啦, 行雷閃電咁嘈仲要比我哋攪住晒, 食完午餐佢都上床瞓咗喇, 好乖乖 :)
最無影響都係隻傻豆喇, 佢琴晚一樣大覺瞓, 今日佢最精神!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
