 |
| 相片連結 |
又過咗兩個禮拜, 時間真係過得好快, 又到咗3隻豬仔沖涼嘅日子喇!
以前無成日帶佢哋出街, 無沖得咁密, 一個月一次都ok, 不過依家真係唔過得自己, 天氣又潮濕, 街上又塵大, 佢哋又上我床玩; 雖然每次出完街都用蘋果醋加水抹身, 但都係感覺唔暢快, 真係唔沖唔得啦!
所以為佢哋選擇一隻天然唔刺激嘅洗毛水, 真係好重要喇, 唔係傷咗皮膚毛髮就麻煩! 波波同豆b仍然用Sore No More, 達達有甩毛嘅前科, 都係用番DERMagic較好喇!
以前同4寶沖涼, 吹毛我用一般風筒, 但吹得太耐要佢哋企定定好難, 而且吹咁耐真係徙好多時間; 所以後來改用專比寵物吹毛嘅雙頭風筒, 真係快好多架; 不過每次同佢哋沖涼吹毛後, 手腕都好痛, 好似用唔到力; 可能雙頭風筒比較重, 我怕日子耐咗會做成關節勞損, 咁就大件事啦; 都要為自己諗吓喇, 後來就買咗風機用, 只係拎住條喉管, 輕鬆好多啦!
不過風機嘅聲浪好大, 為免豬仔們唔習慣, 我每次都一定同佢哋耳仔塞上棉花; 自從學睇安定訊號後, 每次吹毛我都覺係一件苦差, 見佢哋左搖右擺真係心都痛晒!
以前會話佢哋唔乖唔合作, 依家就有另一個見解, 自己試吓對住條喉管就知風力大 :(
咁都肉赤我又會比人話越嚟越變態!
同3隻豬沖涼修毛又無咗一日時間, 所以特別揀選週末, 反正多人多狗唔想落街; 一次過同3隻豬美容, 第二日就會腰酸背痛, 所以週日要休息番! 工人姐姐週日又放假, 每星期行5日算喇, 我都唔想太麻煩;天氣熱咗大多數人放狗都選差不多時間, 波波實會好嘈吵, 所以都係做咁嘅安排啦!
今日洗白白, 姐姐問要唔要影相, 天氣咁熱唔怕凍親, 影番幾張比大家睇吓3隻小魔怪 :)
沖完涼放佢哋入圍欄休息吓, 好快又要餵晚飯!
 |
| 休息一吓就開飯喇! |
 |
| 聽到廚房準備晚飯嘅聲波波趕快跑過去! |
 |
| 無用達豬唔敢行地磚只可以遠距離望 :) |
 |
| 講到食邊過快得過豆b, 佢到咗廚房門口等緊啦! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
