 |
| 呢樽主要比你架, 鍾唔鍾意呢種香味? 相片連結 |
琴日約咗交收, 訂咗草本驅昆虫劑(Ricochet Spray), 同佢哋行街街多重保障, 仲有安定情緒既冷靜噴霧(AromaDog Chill-Out), 另外就係止咳噴霧(AromaDog Cough Drop), 對twins氣管都唔好, 睇吓幫唔幫得到啦!
今次係第一次試用香薰治療噴霧, 為咗幾隻豬仔身心健康, 只要係天然無害, 我乜都要試, 希望可以搵到合適嘅幫到佢哋放鬆情緒無咁緊張啦!
早上餵佢哋食完早餐, 自己嘆完咖啡就出去, 快快拎咗又要趕住返去餵午飯 :)
 |
| 無遇到狗狗我哋真係行得好relaxed架! |
比佢哋食完午飯休息個零鐘就同佢哋出去行, 中午人狗都少D嘛, 不過再熱D就唔可以呢個時間出去喇, 要再諗時間同地方啦!
放咗佢哋上車仔, 我試吓喺佢哋周圍噴隻新香薰, 呢隻係安定情緒, 其實我唔奢望有好大療效, 因為波波意志力好強, 佢好抗拒有外來物影響佢, 之前花藥對佢無幫助, 連Dr. H都同我講, 波波意志力超強, 上次洗牙用氣體麻醉, 人家狗狗用3-4分鐘就OK, 佢足足聞咗6分鐘呀 :(
不過有新希望我都係要試架, 而且香薰噴劑只係噴喺週圍環境, 就算對波波無幫助, 兩隻女可能會安靜D啦, 而且都香香哋嘛，好過用D有毒素嘅化學空氣清新劑呀，哈哈哈⋯
當然我真係希望可以幫到佢哋開心放鬆啦!
 |
| 經過咗就唔好再吠啦! |
點知就喺一尺前左右, 有位女仕突然從個車袋中拎咗隻史納莎出嚟, 我無時間退....
唯有抱起波波, 猛比零食, 等佢哋經過咗, 再放隻仔落地啦, 不過隻衰豬仔都要望住佢哋方向猛吠 :(
 |
| 主人想摸達達,達達就掛住鬧隻甩繩狗 :) 我就扎晒馬睇住唔比狗狗行埋達達度! |
同達達轉入舊路真係多咗狗狗, 好彩達達唔太抗拒, 佢唔鍾意會開聲吠, 狗狗都唔敢攪佢!
反而係其他主人成日想摸佢, 我又要講解黃絲帶 :) 真係想摸佢就請蹲低比佢選擇, 唔好強嚟!
 |
| 豆b好容易埋堆, 大家拖住; 又係細狗, 平靜打個招呼無問題! |
到豆b就無問題啦, 成日自己走埋狗堆, 佢從細接觸大細狗狗, 社會化OK, 真係服咗佢 :)
琴日好似係狗狗用品購物日, 行完番去買咗PawCare比佢哋試, 日日出去雖然都會抹腳仔, 但指罅都比較難清理; 今日試過都真係黐到D污糟嘢出嚟, 不過可能我掛住影相波波踏得耐咗, 佢隻手仔黐咗D啫哩入去, 要慢慢搓番出嚟; 豆b好似驚驚地, 唔敢大力踏落去就無問題, 最難得係達達豬都唔抗拒 :)
除咗上網搵料, 試草本噴霧, 我仲刨埋書本, 友善訓練論壇推薦幾本好書, 今日開始睇第一本, 希望幫到個仔啦!
波波呀波波, 唔好再咁緊張好無?
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
