 |
| 波波做乜鬼? 驚到想跳落嚟? |
因為寫呢個blog, 多咗好多網上朋友, 可能大家睇我寫3隻豬仔, 已經覺得同佢哋好熟識, 想見吓佢哋真身, 想會個面!
一直以來我收到唔少詢問, 問及會面之期; 真係好開心藉住呢個平台多咗咁多人愛錫佢哋, 好似大明星多咗fans, 哈哈!
但諗嚟諗去真係好難兩全其美, 唔只係兩全添, 係好難面面俱圓, 因為唔係一兩位朋友要見佢哋, 我會順得哥情失嫂意, 我都唔識點答覆你哋, 今日要認真諗諗先; 心諗最好係有一個聚會, 一次見晒3隻豬嘅fans! (比我威一次啦, 3隻豬仔有fans喎 !)
同朋友S商量, 佢攪活動有經驗, 問佢會唔會再幫手攪一次?
 |
| 3隻豬坐得好肉酸 :( 其實睇佢哋耳仔形態, 佢哋係驚, 我而家識睇喇, 咁都驚, 又唔係好高咋 :( |
佢話有一次差D哽親狗狗呀, 叫咗唔好餵他人狗狗, 但D人都係唔聽, 有咩事點算, 哽死跌親鬼可憐, 真係唔好玩!佢提醒我現階段達達根本唔適合見陌生人, 就好似周敦頤"愛蓮說"嘅名句, "只可遠觀而不可褻玩然 ", 叫佢同陌生人見面佢會膽怯, 心情好難平復, 唔好制; 熟識嘅朋友人都知波波係唔比其他人摸, 見陌生狗更唔掂, 驚得滯仲可能咬人添, 叫我唔好諗作算罷喇 :(
佢話不如我哋幾個朋友帶埋狗狗聚一聚就算, 起碼人又熟識狗又熟識, 達達豬唔會太情緒波動, 波波同熟識嘅狗狗玩又唔會亂晒龍; 佢話我應該知道自己嘅狗狗敏感又細膽, 要多加保護, 唔好比佢哋咁大挑戰喇!
咁又係, 我記起嗰一次, 同松聚一班網友會面, 佢哋都係話想見吓幾隻豬; 結果係全程達達都唔肯落地, 一落地就坐喺樹,
最後都係坐番上車仔, 波波就要抱住, 咁快又過咗兩年幾喇!
 |
| 兩年幾前嘅相, 豆b同達達都要坐喺車仔做獨家村 |
 |
| 剛滿4歲嘅波波, 成日要我抱 |
要多謝大家嘅厚愛, 等有一日波波同達達性格有改變有好轉, 再同大家見面, 為咗唔想佢哋咁大壓力, 我都係要保護佢哋為先.反正每次出去玩我都post相片, 就好似以前人家興交筆友咁, 我已經高咗一個層次, 有埋相片會面 :) 請大家多多體諒, 唔好見笑我呢個緊張媽媽, 希望來日有機會相見 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
