 |
| 準備好出發, 一坐上車開心晒 :) 相片連結 |
今日同波波行番新地方, 但真係太大風喇, 吹到佢有時企定唔敢行; 但呢度比較人流少, 中午時侯又無狗狗, 對佢係比較適合, 我仲可以同佢練習吓友善訓練, 試吓同佢做召回嘅指令, 叫佢時要望向我咁啦!
 |
| 超大風, 但叫佢都會望我! |
喺唔被外來搔擾嘅環境, 都OK嘅, 叫佢望我就獎小食, 做得唔錯架; 但見越嚟越大風, 我都覺得有D凍, 嘗試往舊路行; 一去番以前嘅路, 佢就緊張喇, 無狗無小朋友都吠; 我真係唔覺今次同我有關喎, 我都見唔到令我擔心嘅目標, 我都無緊張, 但波波就係咁吠, 即使我放番佢上車仔, 都係吠唔停, 原來行為訓練真係好難好難!
跟住放達達同豆b, 諗唔到達達會比波波仲容易攪, 想當日達達行都唔會行, 點諗到今日佢會行得咁快, 雖然佢都仲係欠缺一D自信, 行起嚟都係頭仔低低, 但我感覺到佢係行得好開心架!
豆b都係比較懶, 唔用小食鼓勵佢行得好慢, 想行又唔行; 但一出動利誘, 佢成個精神晒, 每行一段就有嘢食, 佢行得好快, 為食豬仔!
兩隻女行完比波波再行, 希望可以除去佢嘅負能量, 但呢個時候開始有狗狗, 佢又開始發癲; 之前所教嘅再唔work, 點叫佢都唔望我, 練得幾好都係枉然 :(
明知係唔應該灰心, 但真係好氣餒, 有D想以後避過就算!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
