 |
| 相片連結 |
兩日無出去, 今日梗係要去街街啦, 依家出慣去, 唔去怕佢哋唔開心嘛!
今日選咗一個唔錯嘅時間, 我同3隻豬都好享受, 無任何外來刺激打擾, 出去行吓真係幾開心; 同波波喺新地方行咗好耐, 雖然都見到一隻雪撬同一隻八哥, 但遠距離我已經調頭, 所以波波都無壓逼感!
到達達行嘅時候, 本來想轉番去舊路, 但原來係放學時間, 路旁有好多人; 為免波波勞勞嘈嘈, 再試吓同達達行新路; 今日好彩無乜大車經過, 達達表現又有進步:) 同佢行咗兩轉, 見到舊路人群已散, 帶佢過去再行多一陣間啦!
跟住再到豆b, 呢隻女真係精甩尾, 佢一定係記得上次有零食引導, 眼定定望住我企喺原地唔肯行 :)
一路行一路比佢食少少啦, 開心嘛!
見到條路咁靜又無狗狗, 再比波波行吓啦, 一路用小食做吓召回練習, 佢都做得好好呀; 不過都係衰咗, 一下就到咗多人放狗嘅時間, 四方八面都有狗狗, 點轉都唔啱!
都係好心做壞事, 衰收尾喇! 最後竟然破壞咗今日美好嘅散行時間 :(
 |
| 咁多狗狗! 猛比零食都唔掂 :( 一受刺激零食都唔要喇 :( |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
