 |
| 相片連結 |
要好好捉緊呢D日子, 唔冷唔熱嘅天氣好短暫, 要同佢哋去多D街!
咁好嘅天氣豆b行都唔會喘氣, 又唔使擔心中暑, 唔出去好徙 :) 不過樓下風好大, 所以出去要同佢哋著番件薄衫!
 |
| 真係好慘慘! |
波波一向對著衫都好抗拒, 可能佢唔鍾意比件衫束縛住, 總係木口木面cool到死; 琴日同佢著住衫出去都好D, 今日就比佢激死, 係咁坐低黐住個地; 本來初時用零食引佢跑吓都OK, 但越嚟越大風佢就驚到死, 可能著咗衫佢感覺平衡有問題, 點氹佢都唔理, 無計!
唯有同佢哋重回舊地, 行過另一邊無咁大風就好D, 可以用小食獎勵, 引佢走嚟走去; 兩隻女反而無問題, 尤其係達達, 好開心自得其樂, 邊個場地都OK; 達達真係叻咗, 希望keep到落去!
好可惜無耐有小朋友落嚟, 咁就要讓出場地, 呢個地方原係屬於佢哋, 唯有同3隻豬又行番過去!
真係比波波激死, 一過到去又坐低, 我唯有死死氣同佢除咗件衫, 我認我服輸; 真係好似孫悟空解除咗緊箍咒咁, 佢即刻生猛起嚟, 跑到好似會飛起!
 |
| 達達越來越可愛喇, 好乖乖! |
食完晚飯又到保養時間, 波波達達做場效應治療係最簡單, 放好個暖pack唔使理嘛, 豆b頸仔太細用唔到, 就唯有做艾炙啦; 琴晚3隻豬都照咗紅外線喇, 天氣漸涼又要勤力番, 睇群組內好多狗狗復發!
希望3隻豬爭氣唔好搵我嚟玩, 事實我係見到達達有進步㗎, 近來都唔覺佢腳震喇; 行多D運動吓可以強化肌肉, 最多同佢哋做吓按摩啦, 希望對twins都乖乖哋, 唔好有事呀!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
