 |
| 相片連結 |
祝願達達腰椎腳仔要強壯, 豆b頸椎要keep住好, 波波要快D康復, D骨刺唔好篤到佢痛!
唉! 咁嘅生日願望.....
本來波波有病真係無咩心情喇, 但終於見到波波有好轉, 琴晚到今早體溫都keep到38度, 我安樂晒; 可能老天爺對達達眷顧, 等媽媽有心情做個凍肉餅為佢慶祝; 其實都唔想忽略咗兩個女, 都驚太focus波波兩個女個心會唔舒服, 一陣有情緒病就慘喇; 呢3隻豬好似特別脆弱, 個個都有attention seeking病, 我真係買佢哋怕喇!
波波今次咁高燒原因我都唔理解, 有可能係落去裸跑冷親啦, 咁大風真係唔應該由得佢唔著衫, 8歲高齡又係長期病患, 再唔係年輕力壯喇！
H醫生都有解釋, 係有不明起源嘅發燒, UFO or UOF (Unknown Fever Original), 發燒約30%同發炎/感染有關、30%係自體免疫系統異常有關、30%同腫瘤有關、剩下10%係搵唔到原因嘅!
呢個仔今次嘅不明原因, 就嚇得我慘, 夜間要搵急診, 第二日又要再見H醫生, 抽血時嘅尖叫聲又肉赤到我想衝出街走人; 咁仲未夠, 仲要體溫急升完又過度下降, 真係好擔心!
終於琴晚見到體溫升番38度, 一天光晒！
寶貝仔唔好再玩喇, 要好好keep住精神番, 媽媽唔噤嚇㗎!
人生要行一條平坦嘅路真係好難, 要過風平浪靜嘅生活唔容易呀; 我從無追求生活過得多姿多彩, 亦無羨慕人家可以週遊列國, 四海為家; 我只求一家身體健康, 生活過得簡簡單單, 但上天總係自有安排!
人生, 一定要經過高低起跌, 經過無數歷練; 無論喺邊個方位, 都要你嘗試去破解難關; 人生唔可能行一條單軌路, 我明白; 所以每個人都各有難題要解決, 各人都自有疑難; 可能上天覺得咁嘅人生路, 先算平衡啦!
無論點都要咬緊牙關, 上天嘅安排無得比你揀, 但願我有力量每遇困難, 都可以見關過關!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
