唉, 真係無時安樂呀!
琴日帶波波去比Hsiang醫生檢查, 又驗血又照片係希望得個明白, 到底波波因咩事咁高燒呢? 有無身體邊度發炎引發; 雖然報告唔算好差, 有D又高又低嘅item, 又有D灰色地帶, 但抽血用嘅時間耐咗, 個報告就有偏差喇; 但H醫生話唔使咁擔心, 佢有解釋每個可能, 波波精神唔差, 食藥再觀察吓!
琴晚番到屋企比佢食咗一次藥, 臨瞓再探熱係38.6, 咁以為安樂晒啦!
今朝早都食咗一次藥, 因為驚咁快停藥又燒番, 跟住keep住監察, 定時測體溫啦!
但點解佢嘅體溫一路下降緊.... 38.6 >38.2 > 37.8 >37.4 去到下午 3點幾, 跌破37度, 降低至36.8!!!!
好驚, 網上話低溫比高溫危險, 37度就係個關口啊!
諗起當日叻叻37.2, 都叫入院觀察, 見到波波咁低溫, 真係騰; 急忙同佢著衫, 再call Hsiang醫生!
A叫開一陣暖爐, check住體溫, 但唔好過晒界!Hsiang醫生就叫我唔好太擔心, 其實低溫有好多可能, 有D case係非常罕有, 例如腦部控制體溫附近嘅區域生腫瘤, 又或者腦膜炎等等.....
但佢叫唔好向呢方面諗, 唔好擔心!
波波似係高燒之後嘅體溫反彈, 發燒之後低溫係常有, 有精神同胃口正常就得!
波波精神麻麻咋, 但都仲有胃口, 每餐都食晒嘅!
希望係呢個原因啦, 叫我唔擔心有乜可能!
唔敢開咁耐暖爐喇, 都除咗厚衫, 換件綿質算喇; 放佢上床比張氈佢, 好怕做over!
持續探熱都徘佪於37 - 37.4之間, 比正常體溫低少少啦, 波波體溫正常都係偏低嘅, 一般都係37.8!
仔呀仔, 唔好嚇我啦, 頂唔住會爆㗎!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
