琴晚比波波上床同我一齊瞓覺, 攬住佢用自己嘅體溫幫佢保溫, 平常波波係唔鍾意比人攬實, 佢瞓覺都要自由行, 成晚換位通處瞓; 但琴晚佢好乖咁黐到我實, 對呢D本來係窩心嘅改變我並唔覺得開心; 小朋友身體有唔舒服, 所有異於平常嘅動作, 都係擔心!
今早起身餵早餐, 波波有食晒, 便便都正常, 但動作比平常慢, 感覺好似好攰咁, 可能體力未復原啦; 當然要量吓體溫, 琴晚臨瞓係37.6, 希望再高少少就好喇!
結果係維持住同一度數, 都算穩定啦, 只要佢體溫唔再跌, 我就無咁擔心; 經過咁高燒身體都要時間復原, 叫自己唔好咁心急, 只要佢保持穩定狀態, 自己要放鬆吓喇!
唉, 點知相隔一小時,又跌番37.3 :'(
都繼續餵葡萄糖水加vit C, 驗血報告見到佢血糖偏低, 還好只係輕微下滑, 因為血糖太低會抽筋㗎, 呢個係我最最最怕!!!! 諗起當日叻叻抽筋嘅情境, 我有揮之不去嘅陰影啦; 一為增強體力, 二為下降嘅血糖, 當然要補充番!
午餐同晚餐波波都有食晒, 但精神同體力就真係麻麻, 企耐D都好似唔想咁喇; 同佢探熱嗰一兩分鐘, 都要坐下,成日伏低瞓覺!
又話狗狗自癒能耐比人類高? 復原好快? 點解波波唔係㗎?
兩晚無瞓好, 我D牙肉痛晒, 虛火上升啦, 個仔再唔好番我點捱?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
