每兩個星期都會幫3隻豬仔磅體重, 一般都上落唔大, 咁多年都算keep得幾好; 依家已經唔興狗瘦主人羞嗰套, 我哋要狗狗健健康康, 要體重控制得好!
我呢3隻豬更要嚴加管理, 唔可以過重啦！
豆b氣管同頸椎唔好, 太重除咗影響佢活動, 仲影響佢呼吸困難; 希望努力keep得好D, 唔會影響到心臟嘛!
波波腰椎都有事, 感謝上天庇蔭, 兩年幾嚟都平安得保; 每次驗血例行檢查, 都好開心聽到H醫生讚佢keep得好; 3隻狗狗當中唯一係摸到佢有muscle, 係鋼條仔嚟㗎 :)
我一直都提醒自己要小心handle, 抱佢哋要小心保護, 永遠記住腰仔要平放, 要扶好頸仔先可以抹嘴梳毛!
達達豬就比較麻煩, 時好時壞!
佢唔似對twins, 病發時會痛到震晒大聲嗌, 仲要胃口都無埋; 我好難鎮定面對D慘叫聲嘛!
達達就只係下盤搖擺, 腳震無力行, 但我感覺佢康復情況最差, 個隱憂更大!
今日磅重波波1.846kg, 豆豆1.57kg, 上落不大, 但達達就破咗1.6kg大關, 1.66kg喇; 怪唔得近來腳仔又震番啦, 可能重咗做成佢負荷太大!
天氣涼咗本來想比佢地哋食多少少嘛, 對twins都仲有空間, 可憐嘅達達豬, 無得加餸仲要減喇 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
