死穴

個心肝寶貝真係收服我, 原來佢有事我會咁失魂, 拎咗舊綿花出嚟又唔見咗, 仲猛咁通度搵喎, 原來係自己隨手將佢掉咗落個字紙籮; 仲有要頻頻上廁所, 我nervous就會肚屙 :(

唉, 真係好驚, 佢係我心肝命錠, 如果第日佢"老咗".....咁我點算喎!

每每人哋有事都識叫人放鬆冷靜, 講係好容易, 但原來每個人都有個死穴, 係唔講得笑囉!
我養嘅咁多隻狗狗, 除咗叻叻令我有過咁嘅感覺, 一般我都可以認命, 正如我一直咁講, 生有時死有命; 但唔點中死穴還可以, 但我嘅死穴就係波波!
想當日陰差陽錯去養波波, 都無咁打算過, 唔通波波係叻叻嘅化身, 佢番嚟搵我?

琴晚當然瞓唔好, 一直都監察住波波; 今日同琴晚一樣, 佢嘅燒都係上上落落, 要我就咁觀望係咁等, 我好難過; 係驚有事延誤咗, 因為我總唔相信頸痛會導致咁高燒囉!

今日帶波波去見Hsiang醫生, 要比佢睇睇先安樂!
外國醫生同中國人有唔同觀念, 我偏向Hsiang醫生喎! 
Hsiang醫生摸過波波條頸, 話唔覺有腫, 佢行動正常, 無IVDD 相關跡象, 咁判斷椎間盤有事好似欠準確!

我要求驗血, 有個report去斷症好D囉; 但今日波波超唔合作, 我第一次要離開佢嘅視線, 出外面坐!
當我聽到波波嘅尖叫聲, 真係心如刀割, 可能我喺入面感覺會好好多, 但我情緒直接影響咗波波, 點都抽唔到啊!
用雙手蒙耳, 真係聽唔落!

好唔容易抽夠1cc, 但禍及4隻脚仔, 時間又用耐咗 :(
報告結果算OK啦, 但因為時間耐咗, 部份report欠準確, 但H醫生話有80%準確性, 算合格啦; 咁仲有20%, 就照埋XRAY做多個保障!

XRAY顯示內臟係OK嘅, 肺好清, 亦無氣管病, 心嘅大細正常, 胃同胰臟無特別, 膀胱都無石, 但就好多骨刺, 同兩年前比較係差咗好多!
之前腰仔嘅骨刺多咗幾節, 連頸仔都黐埋咗好多 :'( 
唔怪得琴晚太平道醫生大力按, 佢會叫啦, 係按痛咗骨刺啊, 陰功 :(

暫時無發覺有大問題, 就可能係出去時凍親, 個仔唔肯著衫惹嘅禍, 希望係咁簡單就好囉!
但個仔先得8歲, 咁多骨刺都唔知點算, 痛起上嚟 .....我又再擔心過 :(

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！