 |
| 相片連結 |
琴日一早起身見天色唔好, 黑沈沈好似夜晚, 仲有落雨, 咁3隻豬仔無得去街喇, 就留喺屋企玩啦!
可能呢幾日都有出去, 到咗差不多時間, 3隻豬嘅表現好似等開䬸, 兩頭騰來騰去, 走去放車仔嘅房間, 又走嚟我面前轉圈呀!
同佢哋講落雨唔出去喇, 自己玩啦, 3隻豬似懂非懂, 行開去爬低瞓覺, 個樣就悶悶不樂啦; 只有達達心情比較好, 呢隻豬女真抵讚 :)
一路等到傍晚, 3隻豬食完晚餐, 見雨停咗決定同佢落樓下花園兜一round, 出去行吓佢哋開心嘛!
一落到樓下又落雨喇, 又唔想就咁番上去啦, 攞出個雨罩封好車仔, 喺靠邊行吓; 3隻豬心情唔差, 有得岀去就個個都笑晒!
行咗一陣雨停咗喇, 揭開個蓬繼續行, 落過雨空氣好清新, 感覺幾舒服啊!
雖然地下都濕, 但好乾淨, 試吓放3隻落地行, 咁嘅天氣一定無小朋友落嚟玩, 好時機嘛!
可能地下濕佢哋唔習慣, 兼且已經傍晚, 天開始黑啦, 對twins行得好怪, 波波仲行吓坐吓, 毛毛濕曬, 激死; 達達落咗地仲一步都唔行, 算喇!
以後地下濕出去都唔會放落地喇, 佢哋都唔慣, 仲有D驚啦, 番到屋企我又要做一大餐, 蘋果醋加暖水扶身吹毛, 下次咪攪!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
