 |
| 明顯同早兩日精神有分別, 好攰啊! |
半夜4點達達叫醒我, 佢應該要尿尿, 咁順便抱埋波波出去; 但我一抱起波波, 就覺得好唔妥, 佢身體暖得有D過火, 即刻同佢探熱, 39度, 天啊！
真係唔想食退燒藥, 明知影響肝臟, 又驚一食就好似上次咁, 體溫一直下降; 再試一試順勢退燒藥, 但完全無幫助; 諗起草本, 想試吓喎; 但睇晒D指引有D驚, 因為唔知波波對呢隻藥有無敏感, 驚佢食後唔夾會出疹, 最驚係咽喉腫脹而導致呼吸困難, 咁就攞命, 再出現呢D問題我會發狂!
見佢呼吸急速真係好驚, 由4點到8點呢4個鐘, 佢體溫一直上升完全無下降, 到咗39.7喇!
我投降, 感覺係肉隨砧板上, 即使唔想, 但都要比佢食退燒藥!
好無奈, 我自問戰戰驚驚, 小心奕奕, 點解咁難保住佢健康!
還是我又好心做壞事, 太早做排毒攪亂檔? 都係停咗先, 等情況完全穩定再商榷!
半小時再探溫度, 降咗少少, 39.2, 跟住就係一路下降, 38.3 > 37.8 > 37.4, 唉! 唔該唔好再降.....
波波對西藥超敏感, 反應好大, 佢病情咁反覆我好擔心, 琴晚即刻眼光光, 又搵唔到原因, 叫我點瞓得著?
將情況報告Hsiang醫生, 都係叫食退燒藥, 搵唔到原因嘅發燒只有觀察住, 只好頭痛醫頭, 腳痛醫腳!
有發燒就食退燒藥, 降溫就停, 其他只可以靠佢自己去打仗!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
