 |
| 相片連結 |
其實呢D係數字遊戲, 仲要係蚊型數目無得同人哋比, 但知道有人會睇吓又幾開心㗎, 當然最開心係大家關心呢3隻豬啦 :)
估唔到大家會有興趣睇我嘅狗狗日記, 亦有朋友話有參考我嘅日常湯水, 同3隻豬嘅私房料理, 呢個真係意外嘅驚喜 :)
不過自從3隻豬轉咗食homemade, 我都好少整呢類菜式喇, 全都簡單清蒸, 只係特定節日先會玩吓其他花式 ;)
我睇人哋嘅blog, 會從文章慢慢認識人哋, 就好似已經係相識嘅朋友一樣, 唔知你哋有無同樣感覺, 已經好熟識我3隻曳曳豬 ;)
當初阿女幫我建立呢個blog, 我仲怕得要死, 死都話唔識點去處理一篇篇公開嘅日記; 但阿女話你寫寫吓就會寫出趣味, 咁我就咩都唔理, 我寫.....純係為抒發自己, 為咗留住同3隻豬嘅一D憑記, 日後可以慢慢回味!
但有你哋支持, 見到有人會望吓我寫佢哋, 無疑係一種動力, 再多謝各位咁關心呢3隻豬!
 |
| 扭計豬波波, 成日要氹住! |
藉住寫呢個blog, 又有另一欣喜, 好幸運交上好幾位朋友; 佢哋比我好多實質幫助同寶貴意見, 仲好鍚我3隻豬; 每當我遇到困難, 心灰動搖, 佢哋不忘幫我加油打氣 :)
可能會睇我寫呢D無聊隨筆, 仲可以一路忍受, 應該都係一D愛狗狗嘅發燒友, 俗稱狗痴, 所以份外氣味相投 :)
其實我養呢3隻豬, 真係比我千金難買到嘅享受, 除開佢哋身體健康有毛病時會令我擔憂; 但只要日中見到佢哋嘅古靈精怪, 或者只係簡單咁兩頭走走, 只要佢哋開開心心, 咁我已經覺得好足夠 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
