 |
| 呢款枕頭仔嘅設計達達好鍾意 |
今日又係達達浸浴嘅日子,呢隻女女每星期要浸一次, 今日加咗死海浴鹽落水, 希望佢浸完真係會relaxed D; 不過呢3隻豬每次沖完涼, 都攰到死, 次次都會好瞓D喇!
每次同達達浸浴, 都會喺水中同佢按摩吓脚仔, 平常佢係唔肯比我做呢D, 但落咗水又OK喎!
達達右脚較弱, 脚震多集中喺右腳, 兩隻大腿粗幼都分別好大, 用手去摸都分辨到左右脚喇; 但近兩次幫佢按摩, 分別唔係咁明顯, 右腳粗咗, 有番D肌肉喎!
估唔到每日落去比佢行短短十幾分鐘, 都可以對佢幫助咁大, 真係可以強化到肌肉, 比到佢有好D嘅support啊 :)
正當幫達達吹毛期間, 聽到對twins喺廳嗌交, 又唔知爭咩喇, 點知過咗一陣仲打交 :(
即刻喝停佢哋, 還好都仲聽教; 當然會比懲罰啦, 就係唔睬佢哋; 任佢哋過嚟猛咁抓我, 一於唔理!
同達達攪掂晒, 放佢上床瞓覺!
我坐喺電腦檯前背向對twins, 唔望佢哋; 但聽到後面無晒聲氣, 回頭一望真係比佢哋激死, 竟然瞓埋一齊; 呢次係打交後第一次主動咁和氣, 唔通知道媽媽嬲咗佢哋?
呢兩隻豬, 真係對"一擔沙糖一擔C" 呢句俗語, 演繹得淋漓盡致 :)
 |
| 呢張床墊買咗咁耐, 第一次有兩隻狗狗瞓覺 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
