波波體溫持續穩定, 琴日整日都維持住37.8 - 38.4度之間，今早食完早餐同佢探係38度，希望一直保持住，身體好快復原啦！
今次波波發燒, 好似所有嘢都唔清唔楚, 急診醫生又好似判斷錯, Hsiang醫生做咗化驗又係無結果, 自己觀察都係大意囉！
兜兜轉轉, 最後都係用順勢療法, 我唔想只係觀察, 嘗試跟足指示用牙齦炎藥去幫波波.
順勢療法喺香港並唔普遍, 一般人並唔熟識呢種治療, 有順勢醫師普及嘅地方, 都強調問診係非常重要; 病患必須非常仔細觀察自己每一個症狀，如果提供比順勢醫生嘅症狀越詳細, 咁順勢醫生就可以搵到最適合嘅順勢藥物進行治療.，
正統嘅順勢療法一般會用單方, 去配合患者症狀.
但香港人用順勢療法都好少, 用於動物身上更少之又少喇, 所以3隻豬仔用順勢療法要從澳洲訂藥, 而自己去觀察症狀就變得好重要; 如果有需要可以網上問醫生, 藥物就由動物順勢醫師推荐.
想要得到顯著療效, 選擇到正確嘅 remedy好重要!
3隻豬仔用嘅順勢藥都係複方, 就好似坊間嘅成藥, 無順勢醫師類似中醫咁望聞問切下, 用藥只可以遵循大路, 是否撞得正確就要靠自己觀察入微同藥物篩選; 尤幸食咗唔啱嘅藥方, 都只係得唔到預期效果, 無不良影響, 咁都算係安全; 之前波波凈係用退燒同一般消炎藥, 未觸及根源, 就對病情無幫助喇!
如果波波真係因為牙齦炎導致發燒, 咁今次我用嘅藥應該撞中咗, 用藥兩日情況頗穩定, 但效果仍需要多D時間去定斷; 因為今次波波病情頗反覆, 驗血X-RAY嘅report又無大幫助, 無資料情況support下, 惟有希望今次我用嘅藥無錯！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
