 |
| 相片連結 |
有朋友覺得我好誇張, 狗狗少少唔舒服就擔心到要死, 仲要講出人生大道理, 相比起真正嘅慘事, 我咁擔心有D多餘; touch wood我但願永遠唔會遇上佢口中所講嘅人間慘事!
其實我嘅感受無需要別人認同, 我手寫我心, 我只係講我自己, 我有權對我豬仔心痛; 今次之後, 我對"針唔到肉唔知痛"呢句說話更加認同!
每個人承受壓力唔同, 甲遇到問題可能好輕鬆, 但乙遇到同一問題可能要尋死咁嚴重; 最簡單事例, 有人嘅狗狗離世, 會去寵物店再買一隻, 唔會覺得有咩唔同, 但相反有人會選擇生死與共!
各人嘅選擇唔同, 大家可以唔認同, 但我覺得要對別人尊重!
唔遇到人間慘事唔准呻? 黐黐哋 :(
可能我對波波嘅關愛係有D過火, 但呢D感覺係不由我操控嘛 :p
不過因為波波今次病, 見到好多朋友為我打氣, 每日不忘問候, 關心佢嘅進展, 我唔再一一道謝, 但你哋每一句關心嘅說話, 我會放於心中, 多謝V, M, A, B, H, SC, 仲有你、你、你!!!
有養狗狗嘅, 感覺真係唔同 :)
要多謝好朋友A, 早兩日放工後匆匆到診所同我會合, 知道嗰日我單拖無人陪伴, 自己帶波波去驗血一定惶恐; 因為佢一樣視狗狗如家人, 會好明白我感受, 所以無質疑, 無輕視, 二話不說趕嚟比我back up!
呢D就係志同道合, 佢話無需要多講, 一切盡在心中!
仲好多謝佢幫我淘寶啊 :D
我呢個人其實好糊塗, 上綱買嘢最叻都係yahoo, 淘寶真係比較繁複, 我想學都學唔到; 但有A幫手, 我可以猛咁淘, wahahaha~~
琴日收到A之前幫我買嘅蚊帳喇!
其實我唔覺有蚊, 用蚊帳都只係為比D豬仔有安全感, 我一向喺夜間瞓覺時都會用張舊床單, 將個圍欄床仔冚一冚, 咁佢哋會瞓得更安心; 但弊處係佢哋見唔到我, 有時達達會嘈住唔肯瞓!
有咗呢張蚊帳, 佢哋見到媽媽, 又一樣有個屋頂, 夏天可以稍微擋吓冷氣, 冬天都OK啦; 如果真係有蚊, 仲多咗一重保護, 唔驚染到心絲虫; 真係超正!
因為依家我無再用西藥, 改用草本防虫, 唔係100%確定個效用, 多個保護, 當然更好!
波波呢兩日體溫都穩定, 精神食慾正常, 所以今日開始用順勢藥, 今次主力係肝臟排毒!
講到順勢藥, 當然要多謝Mi嘅好介紹, 同幫忙從澳洲訂藥運送!
早日驗血, 驗到波波又肝酵素高, 因為佢其他正常, 只係ALKP偏高, H醫生相信藥物影響係主要因素; 我一早都驚有呢個結果, 事實波波好敏感西藥, 今次又令我諗番佢細個時用滴頸藥防虫, 個經歷真係慘痛 :(
但我無得揀, 用順勢藥唔退燒, 兩者取其優, 當然先要保命, 唯有後來再做排毒, 希望將積聚喺身體嘅毒素減輕啦!
下面條LINK提及嘅藥, 豆豆同波波都食到正 :(
http://peterdobias.com/blogs/blog/11014145-how-to-keep-your-older-dog-natural-flexible-happy-and-fit
***IDEALLY, DO NOT USE any drugs such as Metacam, Rimadyl and other nonsteroidal anti-inflammatory drugs.
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
