特別好瞓D (w/album)

相片連結

持續同3隻豬出去行吓, 比佢哋開心跑跑, 雖然喺屋企佢哋都會跑來跑去, 但出過外面感覺佢地特別好瞓D; 天氣再凍就好難keep得住,  除咗怕豆b頂唔住, 自己都一定會偷懶, 諗諗開住暖爐窩住張被, 都想像到唔願出去行 ;)

今日同3隻豬出去, 無同波波著衫, 咁嘅天氣佢頂得住, 就等佢無束縛咁跑得開心D; 但兩個女成日都有鼻水, 又猛打乞嚏, 都係著件薄衫仔好D喇, 反正佢哋都唔抗拒!

但波波就要戴番個太陽鏡, 雖然今日無陽光, 但佢雙眼超敏感, 有風眼仔都睜唔大,  無法!
豆b就OK嘅, 有陽光先戴啦!
 

今日達達行得好咗D, 但仍感覺腳仔無力, 比佢食咗順勢藥已一星期, 唔覺佢再有脚震喇; 但仍欠少少力水, 要再食耐D, 但我開始將份量減半, 諗住食多1-2星期!

 

除咗用順勢療法, 當然仲有物理治療, 場效應, 照燈同艾炙, 呢3寶一定要keep住! 
慶幸幫達達做呢D治療全無難度, 每次佢都配合, 好乖好合作, 希望咁會康復快D :)


多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！