 |
3隻豬仔搶先同大家講句端午節快樂!
相片連結 |
琴日包好咗糉比3隻豬仔, 今日就比佢哋試食, 等佢哋提早慶賀端陽; 自己都心急睇吓效果係點, 又睇下佢哋鍾唔鍾意!
3隻豬仔真係捧場, 聞到香味已經喺度團團轉, 但都算好乖乖, 肯坐低定定比我影番幾張相; 今次係波波豬最唔守規矩喇, 佢真係忍無可忍, 要企起身去"lam"
今次真係要讚下豆b喇, 佢雖然為食到口水一滴滴咁滴晒落地, 但都堅守行為!永遠唔駛怕達達豬會偷食, 每次食嘢佢都要慢一拍, 好似要睇過同伴嘅反應, 究竟好唔好味, 先慢慢行埋嚟; 不過呢隻豬女除非唔食, 佢永遠都係快人一步清碟嘅, 真係一個諷刺嘅行為 :)
今次包糉, 我有粗略咁計算過要放幾多肉, 因為有其他材料又有白米, 唔想食到太亂龍; 我為佢哋選咗兩款口味去包今次嘅糉, 一款係南瓜, 紅豆配牛肉, 另一款係淮山, 杞子雞肉養生糉 :)
