落到街比波波行先, 佢好開心行得好快, 一路都好乖; 轉咗落下一條街, 離遠見到隻金毛, 我諗波波都見到, 我見隻狗狗有拖帶, 就試吓唔抱起波波, 只拖佢行埋一邊, 用零食誘導; 好明顯波波係見到對方, 我哋曾擦身而過, 但佢今次無吠無跳, 好平靜咁就行過咗!
跟住輪到達達, 幾日無出街佢明顯行得差咗, 要一路同佢打氣, 猛咁話佢好叻好乖; 我把聲已經唔係太好, 同達達行完呢轉, 我好似要去番失聲邊緣!
最後輪到豆b, 本該最易控制, 不過呢個時候路上多咗狗狗, 波波喺車仔上又開始係咁吠, 我又要叫佢收聲, 又要小心有無放繩狗狗; 去完呢轉街街我好似成個散晒, 可能初初病好未習慣啦, 希望慢慢就會好番!
 |
| 傍晚行街真係唔錯, 好好風! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
