今日玩得好開心

呢張絕對唔係一張靚相, 但我好鍾意當時佢哋跟住跑嘅模樣,
可惜波波跑得太快, 達達又慢半拍, 攪到我手忙腳亂,
出嚟就變咗咁............

今日同3隻豬仔出街, 都預料到週末會有好多人放狗, 反而經驗話比我聽, 平台上會無乜人; 準備好要用嘅物品, 同3隻豬出發往平台去, 睇吓好唔好彩, 有無機會比佢哋落地行!

去到平台, 一如我所料, 唔見平日D小朋友同家長喺度遊玩, 可能週末大家都會帶小朋友去街街! 同佢哋行過遊樂場嗰邊, 係自成一角, 唔係小朋友都唔會過嚟呢邊, 咁我放心比佢哋落地行; 舖好帶備嘅尿片喺地下, 等佢哋有需要時, 唔會整到人哋嘅地方污糟辣躂!

3隻豬仔今日玩得好開心, 可以放繩跑下, 連達達豬都無再驚驚震震, 跟住佢哋兩頭騰! 玩到差不多到咗日落時候, 同佢哋出番去小花園, 抱住佢哋坐低涼吓, 今日都幾好風; 放低達達豬同佢影番幾張相, 因為對twins好難控制,要佢哋坐定好難!

達達豬今日心情好好, 因為不時有人圍住要同佢影相, 佢竟然望向唔同方向, 因應各人嘅要求; 可能今日佢真係釋放晒D負能量啦, 希望再可以搵到機會, 比佢盡情再跑一大餐啦:)

3隻豬仔都好開心, 尤其達達, 無驚到垂晒尾, 仲跑得好開心!

達達豬今日喺呢度比好多人圍住影相喎, 佢兩頭望比人任影,
心情好好, 又唔驚又無發嬲喎!!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！