百無聊賴

雖然呢幾日都有落雨, 但天氣無轉涼, 仲見到有飛蟻, 老人家話呢D係有颱風嘅先兆; 本來諗住唔同3隻豬仔出去喇, 咁熱天時喺屋企涼下冷氣仲好, 不過見佢哋好似百無聊賴, 又唔可以成日瞓覺; 都係決定同佢哋出去行一轉啦!

好無聊喎!

出到外面, 都有d風, 唔可以話涼快, 但都唔算翳焗!
幾隻豬仔明顯好鍾意去街街, 波波豬跑得好快, 達達都好努力咁向前行, 豆b只肯行咗一陣, 我唔敢勉強佢喇, 近呢幾日我都有幾次比佢嚇親!

睇佢唔出咁鬼孱!

都唔知係咪又係天氣影晌, 我都一直開住冷氣, 保持恆溫; 但有幾晚瞓到半夜, 都聽見佢呼吸好大聲; 呢隻豬仔, 氣管真係弱, 依家要每晚臨瞓, 比佢聞一次氣先安心; 雖然H醫生話呢個無太大幫助, 但我實際睇到, 的確係幫到好多, 聞咗氣佢呼吸明顯係暢順咗, 咁我唔會偷懶, keep住每晚比佢聞蒸氣幾分鐘啦!

達達豬d毛毛呀.......

又講番達達豬, 都用過好多不同嘅補充品, 但對佢都睇唔到有任何作用, 每日梳毛, 都見到佢嘅毛毛越嚟越少....... 只希望佢唔好甩清光啦!
我都知呢個係X檔案, 但做媽媽嘅, 又點會甘心放棄希望, 總希望自己嘅寶貝會係例外.....

要keep住咁叻仔呀!!!!

暫時波波算係最叻仔, 希望佢keep住條腰仔唔好再出事喇, 呢隻仔從細到大, 都係叫我咁擔心, 謝謝天近來佢算係保養得幾好, 希望唔好再叫我經歷D驚濤駭浪, 我會好感恩!

行完街街番嚟, 比佢哋食南瓜乳酪. 我每個月都會比佢哋食2, 3次嘅, 等佢哋調理下腸胃健康!

每隻一匙羹乳酪mix南瓜茸!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！