3隻豬又無得去街街啦, 今日又行雷又落雨, 唯有留喺屋企, 等佢哋自己玩吓啦!
唔知點解, 3隻豬仔都好鍾意上我床瞓覺, 但隻豬豆間中都失控, 無聲無氣咁就尿尿; 一直唔比佢上床, 又怕佢心有鬱結, 成日睇住波波達達可以喺床上瞓, 佢個樣好鬼可憐!
我一直都有同佢做住訓練, 尿尿要去片片呀; 但呢隻豬豆, 真係好無記性, 總係要製做意外, 已經好多次喺我床上尿尿喇; 尿濕咗我嘅被鋪, 都可以拎去洗, 萬一尿濕我嘅床褥, 咁就真係唔可以再上嚟, 好彩一直都係有驚無險, 但比佢上去我又好大壓力要睇到實....
終於諗到可以當佢係BB, 買張嬰兒尿墊, 咁就算佢尿尿喺上面, 都有個膠墊保護住床褥; 唔會整濕我嘅床舖啦!
今日又整咗鮮藍莓乳酪比3隻豬仔, 佢哋都好鍾意, 每逢佢哋有少少口氣, 我都會比佢哋食少量, 每次食完, 真係有所改善, 咁當然唔可以做到呵氣如蘭啦 :D
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
