 |
| 豬豆修完毛都算幾齊整幾靚 :) |
今日一早為3隻豬仔煲咗個靚湯, 多得好朋友A報料, 搵咗好多日都買唔到梭羅魚, 琴日A話佢買到喇, 咁叫工人姐姐今日快D去街市搵吓!
不過想買多D都無貨, 可能大家都等咗好耐, 買到已經算好彩啦; 梭羅魚價格廉宜, 又營養豐富, 不過我幾隻豬仔就好嘴刁; 比佢哋飲好似奶咁嘅魚湯, 佢哋全無興趣, 唯有切片木瓜打落湯度, 咁佢哋先肯飲完!
 |
| 白雪雪嘅魚湯唔肯飲, 一定要加D甜味先ok! |
前幾日同波波沖涼兼修吓毛, 今日下午輪到豬豆喇, 都係一隻隻分開做, 唔想攪都自己氣都無; 我剪毛真係得3腳貓工夫, 隻豆仲要唔合作, 總係一團棉花咁, 係都唔肯企喺度; 托住佢盡努力修啦, 見齊整少少就算數喇, 不過修完又真係靚女咗喎 :)同上午飲湯張相真係有D唔同!
 |
| 濕咗水好醜怪呀! |
 |
| 修好毛吹乾身又幾靚女喎 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
