最近都集中煲d清潤既湯水, 等身體容易吸收, 唔好咁容易生病, 希望大家都身體健康!
今次呢款湯, 我煲咗20分鐘就盛起比幾隻豬仔喇, 因為落咗羅漢果, 我唔想佢哋飲咁濃味!
見到有其他blog主每星期都比狗狗飲羅漢果水, 話飲後會少咗眼屎, 我就唔敢定期咁做, 畢竟狗狗生理構造同人體不盡相同, 定期飲用唔知會唔會有副作用, 我相信狗狗飲少量係有清熱效果, 但喺唔清楚確實情況下, 我只敢偶一為之!
都係盛起湯水先落南、北杏啦, 聽過杏仁對狗狗有毒性, 雖然唔係比佢哋食, 但比佢哋飲嘅湯有唔適合嘅食材都係唔好啦!
材料:
海底椰: 海底椰以清燥熱、治療肺熱久咳功效顯著而聞名，且具有滋陰補腎、潤肺養顏、強壯身體機能的作用; 更可清心安神, 可治熱病之後, 餘熱未清, 虛煩不安, 失眠多夢等症。
而科學化驗的結果，發現海底椰含有豐富的多醣和人體所需的氨基酸，的確有保健作用。(唔知乾同濕效用有無分別, 今次我用晒兩種)紅蘿蔔: 含豐富纖維素及硒元素, 並富含蛋白質, 脂肪, 碳水化合物, 維他命及鈣, 磷, 鐵等礦物質. 可預防血管疾病, 糖尿病, 能控制癌細胞異變, 提升免疫功能. 紅蘿蔔還具平衡血壓, 幫助血液循環, 淨化血液, 促進新陳代謝及強化肝臟機能的功用.
帆立貝:含有蛋白質、脂肪、碳水化合物，以及鈣、磷、 鐵等礦物質，為海物中滋補之品.
南、北杏：杏仁為民間熟識的止咳藥材, 我國以秦嶺和淮河為界, 以北產的為北杏, 以南產的為南杏。北杏仁味微苦, 止咳平喘、潤腸通便, 長於降氣; 而南杏仁味微甘, 潤肺止咳, 長於清潤。兩者合而為湯, 對燥咳、便秘者最有效。 瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
 |
| 想偷步飲湯, 比媽媽鬧呀, 睇佢哋面黑黑幾樣衰! |
 |
| 加咗紅蘿蔔打成嘅湯, 佢哋好鐘意飲! |
