homemade糉

    依家每年, 我都會為3隻豬仔包呢D唔駛調味嘅糉!

今日一早又落去睇醫生, 雖然無咳都想清埋D手尾, 而且把聲都仲係沙沙地; 我唔敢再拖, 沙聲雖然唔算大件事, 但拖耐咗係好長手尾!

睇完醫生番嚟, 要開始為幾隻豬仔包糉喇, 我哋一家要齊齊食糉過節嘛, 不過homemade嘅糉, 依家只係for 3隻豬仔而矣!

記得以前, 過節係好大件事, 自從上一代相繼離去, 到我呢代好多嘢都失傳囉; 最衰我一向對整野食都無乜興趣, 無好好哋去學媽媽包糉點去調味, 點樣準備餡料嘅過程!

每逢端午, 總係好懷念過去同媽媽包糉嘅日子, 我哋祖孫三代, 媽媽, 阿女同我, 一齊圍住張檯, 好落力咁起勢包!
每次都包好幾十顆, 分派比親朋戚友, 一齊分甘同味, 呢D日子.....吾往矣, 往事.....只能回味!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！