 |
| 一見個袋就開心到跳咗入去! |
今朝一早, 比波波嘅咳嗽聲嘈醒, 見到佢好用力咁咳, 真係心都痛埋, 急忙拎個手機出嚟, 拍低佢咳嘅呢個片段, 等一陣去見醫生, 比佢睇吓佢咳嘅情形!
 |
| 咁開心去街街, 一陣你就知! |
我又唔係叫佢睇片嚟判斷, 只不過想比佢睇下波波咳緊嘅情形, 可以聽下D咳聲係點樣, 睇下無妨嘛! 不過正如我所瞭解一樣, Dr.Tung係非常執著嘅醫生, 佢堅持自己嘅診斷, 完全唔要我比料.....
算啦每個人嘅性格都唔同, 佢係好有自己嘅主見, 總之佢講你要聽話, 咁都唔係唔好嘅, 好過模棱兩可, 睇完都唔解決到問題!
總之醫得好我豬仔就OK啦, 今次佢話波波都係氣管嘅毛病, 叫我唔好比佢玩太癲, 太興奮佢氣管收縮會咳得更勁, 仲叫我千萬唔好再比佢冷親!
咁鬼熱天時邊會冷到佢丫, 我一向屋企調溫都係25度, 應該唔會冷到佢哋, 不過唔好出出入入咁冷熱交替就真!
都係留喺屋企比佢休息番幾日啦, 希望好快藥到病除!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
