自從轉咗食肉肉+菜糧, 我都好少再整嘢比幾隻豬仔食喇, 今日睇番過去整比佢哋嘅食譜, 間中都整番吓啦!
等我整理好D, post喺度同大家分享, 有時間玩吓煮飯仔, 狗狗同媽媽都開心吓啦! 今次整呢款菜式, 過去佢哋好鍾意食嘅, 咁再整番次比佢哋歎下啦!
材料: 龍利柳:能鞏固細胞膜, 有助肌肉和骨酪的健康, 增強身體免疫力, 有抗癌功效及能降低體內壞膽固醇的數量, 更對減慢腎衰竭都有肯定的幫助.
甘荀: 含 有豐富 β 胡蘿蔔素、維他命A、B、C、D、E、K、核黃素、菸鹼酸、鈣、鉀、磷、鈉和鐵，纖維含量極高，其中 β 胡蘿蔔素更有抗氧化及抗癌功效，有效降低膽固醇、降血壓、強心、抗炎及抗過敏等，而且對小狗的眼睛更有良好的幫助。
做法: 將龍利柳一條與適量甘荀放入攪拌機分別打碎, 一同拌勻,之後續少加入麵粉, 將材料混合一起成杰身肉醬, 準備狗狗芝士一條(切粒)
將大約一茶匙肉醬放於掌中略為壓平,中心放狗仔芝士一粒, 包起成球狀.然後蒸大約15分鐘, 放涼後就可餵狗狗喇!
呢款亦係我家豬仔其中一味摯愛食物, 每次都食到舔晒脷架,
希望大家嘅狗狗都鍾意啦!
