今日又同3隻豬沖涼, 一次過3隻一齊嚟真係幾辛苦, 我又唔鍾意叫工人姐姐幫手, 怕咗佢越幫越忙!
本來分開嚟做比較容易, 但好似要辛苦3次 :)
今日同波波沖涼, 又比佢試吓網友V送比我嘅shampoo試用裝; 唔知係有咁啱呢, 抑或係呢隻shampoo真係有放鬆肌肉嘅效用, 波波表現前所未有咁安靜, 好乖好定咁比我按摩; 最令我驚奇係今次同佢吹乾毛毛嗰時, 佢好似舒服到就嚟瞓著, 呢次真係我第一次見到, 連吹毛都咁合作嘅波波!
跟住到豆B, 都係用呢隻洗毛水, 佢上次都有用過; 對佢嚟講又見唔到乜嘢分別, 反正佢沖涼同吹毛一向都算合作!
上次同佢沖完, 佢都係同往常一樣, 成日週身抓, 檢查過又唔係皮膚有事, 佢真係一隻敏感豬仔, 總係麻麻煩煩!
達達豬就用番佢原來嘅洗毛水, 本來早前見佢毛質有好嘅改善, 以為佢毛囊休眠狀態已完, 加上鱉蛋粉同immunity嘅幫助, 我好期待佢毛毛生長會有好轉; 點知近日佢嘅毛質又好似基因突變, 毛量仲要大不如前!
偶然睇到呢個網站, 都數唔到有幾多隻松松有脫毛症呢個問題, 睇嚟達達同我以前嘅叻叻都只係其中一位, 咁多狗狗有呢個症狀, 多年來都搵唔到原因, 亦無治療嘅辦法, 我係咪應該停止再作多方面嘗試, 由得佢順其自然？
Link :Black skin & Hair lost
Link :Black skin & Hair lost
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
