 |
| 既然佢哋咁鍾意呢隻shampoo, 買大大樽比佢哋! |
呢兩日都好似好忙, 主要係屋企無水, 一陣話水務處要修理水喉, 一陣又話要洗水缸; 雖然唔係24小時停止放水, 但都好唔方便, 要儲水又要就住就住, 咁就變咗好忙:)
櫬住今日有水就同兩隻豬仔沖番個涼, 等佢哋乾乾淨淨, 約咗D姐姐嚟同對twins剪毛毛喇, 達達豬都係無份啦, 唉! 希望好快佢生番毛毛, 都可以剪個靚妝啦!
仲有一個星期就同佢哋開生日會.....依家我個腦已經開始忙:P
每年呢個時候我都好興奮, 同佢哋慶祝生日一向都係我嘅大project, 以前就幫阿女準備生日會, 依家佢大班朋友同佢慶祝, 佢都好似分身不暇啦!唯有轉移目標, 同呢幾隻另類仔女攪攪喇, 其實真係搵嚟攪架, 佢哋都唔識咩嘢係生日, 根本只係滿足自己, 有個玩吓嘅空間！
不過我都會為佢哋準備少少點心, 起碼佢哋比我攪完一輪都有餐好嘢食嘛, 如果唔係又要影相又要著衫, 激死佢哋啦WAHAHAHA~~
同佢哋沖完涼, 諗起要落商場買D嘢,就帶埋波波同行, 想比佢出多D街, 睇多D嘢, 就唔會咁緊張啦!
因為只落商場唔落地下, 就天氣熱都唔怕!
一出去見到一班細路, 依哇鬼叫, 波波無吠! 平時佢離遠見到都會吠嘅, 跟住試吓一齊坐電梯（平時我一定唔會, 唔敢, 怕咗佢吠）睇吓會點! 食咗花藥我想再測試吓, 班細路都好嘈, 感覺波波有緊張, 佢隻手捉得我好緊, 但都無吠!
落到商場又遇到細路, 有兩次, 波波都無吠, 係有進步, 但唔可以挑戰佢, 如果有放繩狗衝埋嚟, 一定唔得! 如果嗰日無遇到放繩狗, 可能唔會咁壞, 一有咗壞嘅開始, 就收唔番！
有進步就有鼓舞, 要努力!希望唔好再遇到放繩狗啦, 咁衝前係無禮貌架, 如果主人無能力控制到自己嘅狗唔去搔擾其他狗狗, 唔該拖番繩啦, 真係做幾多都比你哋一下就破壞晒!
 |
| 沖完涼例牌影番兩張相(豆豆) |
 |
| (豆豆) |
 |
| (波波) |
 |
| (波波) |
 |
| (達達) |
 |
| (達達) |
 |
| (達達) |
 |
| (達達) |
