 |
| 圍住冰頸巾, 坐住冰涼墊, 準備出發! 幾大陣像 :D |
今晚終於同3隻豬仔落街, 真係困喺屋企太耐喇, 仲有係多謝朋友A幫我買咗冰領巾同坐墊, 咁都可以消暑一陣間啦!
再者都想測試吓花藥對波波有無幫助, 佢都用咗幾日喇, 睇吓效果如何啦!
我一如往日咁拖波波行先, 好失望係波波一如以往, 見到狗狗都係又跳又吠, 最慘係遇到隻放繩松松, 直向佢衝前.
本來一開始見到第一隻狗狗, 佢無反應激烈, 我正開心可能佢情緒有好轉, 但咁樣一攪, 全軍覆歿, 佢表現仲癲!
希望花藥治療往後仍有進展, 可能波波用嘅時間都係太短啦!
 |
| 開始情緒都OK架! |
 |
| 行得好輕鬆好正常! |
 |
| 比狗撲完開始緊張喇! |
 |
| 開始發癲, 見狗就吠:( |
放番波波上車, 輪到達達喇, 可能耐咗無出去, 佢表現好唔自然, 行得戰戰兢兢, 尾仔都垂下, 不過熱身一輪後, 佢表現就正常番; 行咗幾round又見到放咗繩嘅狗狗喇, 仲好大隻呀, 見佢跑得咁快, 都係抱番起達達較安全; 前兩日先同網友V傾過, 無耐之前佢狗狗都比放繩嘅狗狗咬咗, 不幸中之大幸係傷口唔太大, 但都係無妄之災啦!
 |
| 同波波相反，達達開始好唔習慣！ |
 |
| 緊張到反晒白眼！ |
 |
| 開始放鬆番！ |
 |
| 跟住工人姐姐行得算唔錯喇！ |
眼見越嚟越多狗狗出現喇, 波波又吠到唔收聲, 又成街都係放繩狗, 攪到我都緊張埋, 都係返歸也罷!
豆豆就無得行喇, 不過呢隻豬一向都好懶, 放落地好多時都坐喺地下, 佢淨係鍾意坐住私家車遊街!
 |
| 飲完水番屋企喇，咁多甩繩狗狗，好麻煩！ |
又再講拖繩問題, 真係唔知要講幾多次, 放繩狗狗嘅主人先會明白!!!
真係好唔明, 呢D主人係點諗, 最基本嘅嘢都做唔到, 真係一個好唔負責任嘅人!
話縛住狗狗無自由, 咁比佢行都好慘, 呢D係你放狗嘅方式, 你鍾意比佢自由行!
我理解嘅係呢D唔係叫做自由, 呢D叫做自私呀！你放繩任由狗狗亂衝亂撞, 真係隨時發生血案啦; 況且亦影響到他人同其他狗狗嘛, 有機會引起狗狗打鬥, 做成兩敗俱傷, 如果嚇到他人或者狗狗, 咁好無辜嘛! 要自由咁跑, 唔係喺馬路邊啦!
要自由跑帶狗狗去狗公園嘛, 起碼有圍欄圍住, 比較安全, 而去狗公園嘅主人都會有個心理準備, 會遇上放繩狗狗啦!
為免傷和氣, 喺公共地方放狗都係請拖番狗繩啦, 夲來我拖住波波行得好地地, 比你哋放繩狗狗咁衝埋嚟真係嚇死㗎!
其實拖繩都唔會無自由啦, 又唔係叫你死扯佢, 你都可以放鬆狗繩任佢通處行; 起碼保障到狗狗安全唔會衝出馬路, 又唔怕走失狗狗, 更唔會對其他人同狗狗做成威脅, 何樂而不為呢!
請再三仔細諗清楚, 你放繩目的係乜嘢? 為咗佢可以自由行都係出於愛佢, 但萬一發生意外, 佢走失咗, 走出馬路比車撞, 走咗去同其他狗打交而受傷, 受害嘅係你嘅狗狗! 本來呢一切可以唔發生嘅, 你絕對係可以保護到佢! 點解一定要冒呢個險, 要不利己又損人呢?
後記：
回家途中又見到個工人姐姐放狗, 又係比隻狗狗自由行, 隻poodle好活潑咁跑得好快, 個工人姐姐就慢慢行; 我睇住佢哋從屋苑行出嚟, 我先知狗狗係有人帶, 老實講個工人同隻狗狗距離咁遠, 有咩事佢點幫到手?
如果狗狗走失, 走咗出馬路, 甚至比人抱走, 做主人嘅都無得怨㗎, 放狗呢樣嘢都係一種親子活動, 假手於人就可能恨錯難返!
我一定唔會, 都唔敢比工人姐姐自己去放狗, 我一定要同佢一齊行!
喺facebook見到呢段留言, 100%同意呀, 為人為己為狗狗,
*****請拖繩啦!!*****
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
****************************************************
後記：
回家途中又見到個工人姐姐放狗, 又係比隻狗狗自由行, 隻poodle好活潑咁跑得好快, 個工人姐姐就慢慢行; 我睇住佢哋從屋苑行出嚟, 我先知狗狗係有人帶, 老實講個工人同隻狗狗距離咁遠, 有咩事佢點幫到手?
如果狗狗走失, 走咗出馬路, 甚至比人抱走, 做主人嘅都無得怨㗎, 放狗呢樣嘢都係一種親子活動, 假手於人就可能恨錯難返!
我一定唔會, 都唔敢比工人姐姐自己去放狗, 我一定要同佢一齊行!
喺facebook見到呢段留言, 100%同意呀, 為人為己為狗狗,
*****請拖繩啦!!*****
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
****************************************************
給各狗友之溫馨提示 Hkaac HugoMom
看到每天也有不少尋狗啟事真是很痛心.
希望各狗主不要太自信, 不要認為自家狗狗很定性, 不會隨便走離自己身邊或不會貪玩走遠, 便不拖住狗狗. 因為狗狗與小孩子一樣, 會因一時好奇或受誘惑而跑遠. 因而與主人失散, 而主人及狗狗都會因此驚慌失措及傷心. 若果唔好彩找不到狗狗, 那日後牠便會變成 “流浪狗”, 過著悲慘之生活。
另一方面, 見到尋狗啟示, 全城狗友都會替失主擔心, 會自發一起去尋, 即是浪費了不少朋友之人力物力.
我這樣說也許有人會認為我太過份, 但我希望各狗主日後為了保護愛犬之安全, 外出時要拖住狗狗, 不要令悲劇再發生。
看到每天也有不少尋狗啟事真是很痛心.
希望各狗主不要太自信, 不要認為自家狗狗很定性, 不會隨便走離自己身邊或不會貪玩走遠, 便不拖住狗狗. 因為狗狗與小孩子一樣, 會因一時好奇或受誘惑而跑遠. 因而與主人失散, 而主人及狗狗都會因此驚慌失措及傷心. 若果唔好彩找不到狗狗, 那日後牠便會變成 “流浪狗”, 過著悲慘之生活。
另一方面, 見到尋狗啟示, 全城狗友都會替失主擔心, 會自發一起去尋, 即是浪費了不少朋友之人力物力.
我這樣說也許有人會認為我太過份, 但我希望各狗主日後為了保護愛犬之安全, 外出時要拖住狗狗, 不要令悲劇再發生。
