 |
| 咩嚟架?? |
其實養咗狗狗咁耐, 都有過好多經歷, 見過好多個案; 對於狗狗好多情緒, 行為, 甚至身體上所出現嘅負面問題, 都見過唔少喇, 有時真係做咗幾多都係徒然, 唯一可以做嘅都係盡能力去幫啦!
有朋友同我講, 波波見其他狗狗又撲又吠, 係行為問題, 應該加以訓練, 佢完全唔相信花藥可以治療!
其實好老實講, 所有嘢我都相信有一定效果嘅, 只係applied喺A身上有用, 比B用又可能用咗都枉然！
人嘅體質都各有唔同, 動物都係一樣啦, 不過有人諗嘢比較負面, 認為做呢D嘢都係呃人嘅, 有一個朋友成日講, 咁有用就唔會死人啦:)
佢真係唔明, 有好多嘢做咗係會對自己心理上好過, 你唔係乜都唔做, 你有盡量去幫, 而有可能佢哋真係感覺舒服咗, 雖然無扭轉到命運, 但令到佢哋無咁辛苦, 都係一種幫忙!
我呢個朋友總覺得世上無好人, 好彩我唔會咁想, 其實佢咁樣諗嘢我都怕怕哋佢, 人哋對佢好, 佢又話人有冀圖, 對佢冷淡又話人哋唔好, 總唔諗吓自己有性格上嘅缺陷, 係人都唔想同佢親近啦!
又兜咗個圈添:) 講番訓練！
其實所有訓練都一樣, 都係取決於主人嘅態度為先; 我自問做唔到好嚴肅嘅訓練, 就算話佢哋做錯咗事, 要我堅持唔睬唔理佢哋一段時間, 我都係2,3分鐘就投晒降, 睇見佢哋望住我好似好凄涼咁嘅樣, 仲點堅持落去?
當然我都知養不教係我嘅過錯, 我唔係無恆心去教, 但好多時有個別嘅考慮, 無辦法堅持; 例如我明知波波有骨刺, 我首要嘅考慮當然係唔可以令佢受傷, 所以我先搵花藥嚟輔助, 起碼等佢安定少少, 唔好太緊張, 其他一切先慢慢再講嘛, 當佢情緒咁亢奮, 咁緊張, 教咩都唔會聽啦!
我都明白唔可以抱有太大期望, 正如我都知道, 同一樣嘢用喺唔同對像身上, 都有唔同效果; 不過人生總要抱有希望嘛, 我唔可以乜都唔嘗試, 乜都話無用啦; 只要對佢哋身體無害, 我會繼續去搵, 慢慢嘗試, 我知呢條路唔易走, 無咁容易遇到我呢個另類嘅Mr. Right :)不過唔緊要, 我會每日生活喺希望之中, 堅信人生總有希望, 或者結果唔係預期中咁理想, 但只要有些微幫助, 都係一個正面嘅鼓舞, 我會繼續盡量去幫!
 |
| 希望會幫到你啦，波波！ |
 |
| 食得袈？好唔好味架？ |
 |
| 聞下咩味先？ |
Flower Essence - Mellow Out (1oz)
Mellow Out - 變得和藹 Mellow Out - 變得和藹混合花精幫助平息緊張的動物，動物有的時間可能是喜怒無常或急躁. 對於過度焦慮的動物往往容易失去控制. 可以在比賽前用, 用於雷雨大風或 煙花匯演的時後. 每家也要有!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
