紅菜頭甘荀合掌瓜湯(附豬仔為食相)

論盡工人 - (1)

3隻豬都瞓得好舒服!

 今日唔係講狗狗, 變為僱傭論壇, 谷埋谷埋都要呻吓嘛! 

今日工人姐姐放假, 屋企頓時變得好寧靜, 我開咗狗狗音樂, 放咗3隻豬仔上床, 等佢哋好好睡個晏覺, 我就坐喺傍邊張檯, 做吓小手功; 好享受呢一片寧靜, 3隻豬一定與我有同感, 佢哋瞓得好安寧!

遺失愛犬

之前發咗個惡夢, 波波走失, 估唔到隔咗無耐, 真係有人好似演繹咗我個惡夢出嚟, 開門之時走失咗狗狗!

今次失狗事件都算攪得幾大, 狗狗父母開咗個群組, 有6佰幾人參與其中, 我都係其中一份子; 當然我幫唔上乜嘢忙, 只可以喺自己嘅facebook wall 上分享, 希望多D人睇到, 做到一個廣傳嘅效果, 等多D人留意!

白茅根煲老黃瓜湯(附豬仔為食相）

一個小實驗

今日波波嘅表現我100%滿意 :)

今日無意中同波波做咗一個小實驗!
傍晚時候我同工人姐姐要出去買D嘢, 又帶埋波波同行, 我想佢見多D人, 就唔會咁緊張啦; 都係出門之前30分鐘, 比佢先滴花藥, 希望藉住花藥幫助, 佢會比較放鬆! 

一路都無出問題, 我手抱住佢, 見到好多人來來往往, 佢都好輕鬆!

上門剪毛毛

剪完毛毛喇, 兩隻豬都好整齊呀!

今日一早, D姐姐嚟同對twins剪毛喇, 都係豆b剪先,

豆b係好難handle嘅, 自己同佢修過毛就知喇, 主要係佢成日表演軟骨功, 係都唔肯企起身,真係好難同佢剪架!  
比姐姐同佢剪先, 由深入淺, 姐姐同波波剪時就好輕鬆啦!

原來樂樂無離開過...(樂樂篇)

今日係樂樂嘅忌辰, 轉眼又一年喇, 上網睇到有寵物安樂園嘅工作講，動物嘅靈魂會停留喺骨灰上3年，3年後就會離去，唔知係唔係真嘅呢? 如果真係咁樣, 樂樂你無離開過我哋,  仲一直喺屋企陪住媽媽 :)

生日會倒數

既然佢哋咁鍾意呢隻shampoo, 買大大樽比佢哋!

呢兩日都好似好忙, 主要係屋企無水, 一陣話水務處要修理水喉, 一陣又話要洗水缸; 雖然唔係24小時停止放水, 但都好唔方便, 要儲水又要就住就住, 咁就變咗好忙:)

櫬住今日有水就同兩隻豬仔沖番個涼, 等佢哋乾乾淨淨, 約咗D姐姐嚟同對twins剪毛毛喇, 達達豬都係無份啦, 唉! 希望好快佢生番毛毛, 都可以剪個靚妝啦!

仲有一個星期就同佢哋開生日會.....依家我個腦已經開始忙:P

栗子牛蒡紅蘿蔔瘦肉湯（附豬仔為食相）

自由與自私

圍住冰頸巾, 坐住冰涼墊, 準備出發! 幾大陣像 :D

今晚終於同3隻豬仔落街, 真係困喺屋企太耐喇, 仲有係多謝朋友A幫我買咗冰領巾同坐墊, 咁都可以消暑一陣間啦!
再者都想測試吓花藥對波波有無幫助, 佢都用咗幾日喇, 睇吓效果如何啦!

冬瓜清補涼湯 (附豬仔為食相)

5寶軼事



生活喺彩虹橋上嘅４隻寶貝！

如果唔係朋友A提起佢以前嘅yahoo blog, 我都唔記得咗, 原來我都有一個!

不過都係多年前嘅事, 嗰時係剛剛精精去世, 我寫咗3篇文章咁大把:) , 用嚟抒發一下有D失落嘅情懷!

今日searched番, copied埋落嚟呢度, 睇番都頗有感受, 嗰時安安同樂樂都未走!

都係自己寫嘅嘢, 為咗整理方便D, 都係grouped埋一齊啦！

人生總有希望 - Flower Essence "Mellow Out"

咩嚟架??

 今日終於等到為波波訂購嘅花藥 - mellow out, 希望可以幫到波波啦!
其實養咗狗狗咁耐, 都有過好多經歷, 見過好多個案; 對於狗狗好多情緒, 行為, 甚至身體上所出現嘅負面問題, 都見過唔少喇, 有時真係做咗幾多都係徒然, 唯一可以做嘅都係盡能力去幫啦!

花生眉豆枝竹木瓜湯（附豬仔為食相）

一場惡夢

走失咗波波豬真係會攞咗我條命!

琴晚發咗個惡夢, 通常夢境一早醒來會忘記得一乾二淨, 但呢個夢不但記得一清二楚, 而且所有情節人物仲栩栩如生!

夢境嘅內容好真實, 好似真係曾經有發生.....

我帶住波波去行一間熟識嘅寵物用品店, 嗰個老闆我識咗好耐架喇, 應該有十幾年; 睇住佢由細店搬到大店, 依家佢間店舖好大, 仲撥出咗個地方set咗個寵物遊樂場, 有好多供寵物玩耍嘅擺設, 例如有寵物隧道, 跳欄等等; 每次到訪我都見到有好多顧客帶同寵物去戲嬉, 好不開心!

深宵驚魂

琴晚達達發生咗一段小插曲, 真係又嚇到我有氣無”椗”透!! 

每晚臨瞓前, 我都會比3隻豬仔上我張床, 一齊傾吓偈做個親子活動, 但每次上床前, 都要佢哋去咗尿尿先!

叫爸爸帶達達出去圍欄嘅片片, 我就帶對twins入廁所, 佢哋乖乖咁尿尿完都會獎勵一小塊零食, 跟住就齊齊上床!

老黃瓜牛蒡湯（附豬仔為食相）

花藥治療

我一直無諗過要用花藥嚟幫波波！
波波近呢一年比往年較多問題, 一出到街見到狗狗都會又撲又吠, 仲要見親小朋友都一樣, 我真係奈佢唔何！

近期facebook又見番提及花藥治療, 我突然好似瞓醒咗, 我都可以比波波試吓, 點解我從來都無諗過?

粉葛薏米綠豆湯(附豬仔為食相)

3隻豬沖涼

今日又同3隻豬沖涼, 一次過3隻一齊嚟真係幾辛苦, 我又唔鍾意叫工人姐姐幫手, 怕咗佢越幫越忙! 

本來分開嚟做比較容易, 但好似要辛苦3次 :)

今次我無同佢哋修毛, 唔駛花上太多時間, 已經約好咗D姐姐兩星期後上門同佢哋修剪, 要留長少少等可以修番個型;  修得靚靚, 齊齊整整咁慶祝生日, 咁快又過咗一年喇!

熱浪逼人

喺平台行一轉都好開心!

今年好似特別熱, 係熱到好似透唔到氣, 真係唔敢同3隻豬仔出去, 都係喺屋企歎冷氣好D; 又有幾日無同佢哋出門, 又驚佢哋會好悶, 最後都係決定出去行一轉, 等佢哋睇吓街街啦!

今次唔選擇夜晚喇, 黑嗎嗎乜都睇唔到, 幾隻豬都唔開心嘅; 今次選咗一個早晨, 諗住咁早應該唔會太熱卦, 但一踏出大門口, 就已經感覺到D熱浪逼埋嚟; 都係放棄去行街, 係平台兜一轉就算, 好彩平台有風都唔算太熱, 咁都算同佢哋出過門啦!

悼bebe (BeBe篇)

一個人嘅心要有幾廣闊, 先可以裝載到咁多悲歡離合?

八月 - bebe同樂樂都選擇咗呢個月份離開!!

生離感傷, 死別錐心, 從過去到依家, 每發生一次就重傷一
次; 從來唔可以睇得開, 睇得化, 只可以將嗰種痛沉澱落嚟, 唔去想, 唔觸碰.....

青木瓜黃豆瘦肉湯(附豬仔為食相)

出門旅行

同3隻豬有種相依為命嘅感覺 :)

早兩日阿女同老公返咗鄉間一行, 就剩番工人姐姐同我哋, 今日佢哋番嚟喇, 雖然係短短幾日, 都好似好唔習慣添:)

事緣早前無線播放節目"回鄉", 咁就引起咗老公有回鄉之念; 我又唔放心佢一個人番鄉下, 話晒佢無番去都有好多年; 本來應該陪佢同行, 但我又唔放心留低幾隻豬仔, 因為波波早前都行得唔妥, 又擔心工人姐姐唔識餵藥, 又擔心有突發事件!
總之左諗右諗一句講晒, 我係唔放心丟低3隻豬仔啦!

南瓜雞肉羊菜凍(附豬仔為食相)

松松公仔

靚到唔識形容嘅松松公仔, 一定要同松松嘅忠實fans分享吓 :)　

嘔吐最常見的原因 - 轉貼

 轉貼: petsSky 在天空部落


總的來講，狗狗貪食的本性是導致它接連嘔吐的最常見原因，遇到好吃的，不管自己是否消化得了，先“放進”胃裡儲存起來再說，以備後患，而且吃食時大 多囫圇吞下，就像搶似了，無形中增加了腸胃負擔。狗的天性源自於它們祖先“狼”，原本無可非議，但現代的寵物狗畢竟大多被人類所嬌生慣養，已然失去了狼的 消化能力和強健體格，平日也缺少運動，於是腸胃炎、拉杜子、嘔吐等也隨之而來。在上一篇文章裡，我們討論了關於狗狗吐黃水的治療方法，而本篇專題，petsSky將和您進一步詳細探討狗嘔吐的原因，具體有哪些症狀，可能預示著患了哪類疾病，以及多年來我們對症治療的許多寶貴經驗，相信肯定對您有所幫助。

馬蹄冬菇蓮藕排骨湯(附豬仔為食相)

自我勉勵

有時間會登入各寵物區嘅forum, 睇吓有乜新鮮資訊, 好多時都會睇到有好多狗狗有病, 主人受盡煎敖!

有狗狗有糖尿病, 睇佢哋主人嘅對話, 好似好簡單, 只係談論落針藥多少, 落針嘅位置, 食物嘅編排等等, 但其中花咗幾多心思, 幾多心血? 

最慘狗狗得出嚟嘅反應又要時好時壞, 睇似好簡單嘅討論, 但主人內心有幾沉重, 擔驚受怕咗幾多次, 我真係好瞭解!

狗狗網站

波波當年有事,我得到好多嗰個網主嘅鼓勵!

呢幾日都唔可以登入某寵物網!

3年前見証住呢個網誕生, 而嗰時我都仲係上網新手, 好多嘢都糊里糊圖; 係呢個網嘅網主, 教導我好多電腦上嘅知識, 仲幫我解答咗好多電腦難題, 我仲記得通過電話, 佢一步步咁教我修正上唔到網既疑點, 當時真係好驚自己點極都唔明, 電腦白痴真係唔可以唔認, 但得到佢不斷鼓勵, 仲話我一點就明! 

到今日我仍然好多謝佢比我多方面嘅支持同鼓勵!　

合掌瓜冬菇杞子煲鷄湯(附豬仔為食相）