波波曾經有過bun指數超標嘅狀況, 經過幾次驗証, 佢肝腎都無問題, 醫生就話係飲食問題影嚮,叫我同佢調較過飲食習慣! 比優質嘅蛋白質佢, 咁身體就唔會代謝唔到, 攪到佢bun高啦:
我真係一舊雲!! 乜嘢係優質蛋白質??
當時我係同佢轉食無穀物乾糧, 並且每日都煮一餐唔同嘅肉類比佢; 我上網睇到好多人話無穀物糧唔係咁適合運動量唔大嘅小狗, 佢哋唔似得D大型狗狗, 每日都要出去跑, 消耗體力比較大,小狗身體代謝唔到咁高嘅蛋白質!
咁我立刻停用無穀物糧, 亦唔敢每日都煮肉比佢食, 換咗每星期煮兩至三次, 過咗一段時間, 佢再驗血嘅結果就一切正常喇! 不過好多朋友覺得我煮比佢食嘅嘢係無問題, 但既然一切正常, 我就唔敢再莽作改變!
一直至到最近, 由於想佢哋食得更健康, 同佢哋身體打好底子, 再加上睇到ka嘅成功個案, 我踏上一條新嘅道路, 同佢地轉食脫水菜+肉! 呢個轉變, 令我加深咗認識 - 蛋白質!
原來好多嘢有豐富蛋白質, 但係一D好差嘅蛋白質嚟嘅, 例如雞腳! 雖然佢含有豐富嘅鈣質及膠原蛋白, 但所含嘅氨基酸為非必須氨基酸, 係唔建議多食!
我以前一直都懷疑自己每日加肉比佢, 係添加咗太多蛋白質, 令佢消化唔到, 依家我會諗, 會唔會係乾糧入面有某類食物, 唔係優質嘅蛋白質, 所以佢先代謝唔到呢?
過去嘅已經過去, 我都唔再多諗喇, 依家我嘗試行一條新方向嘅路, 希望係一條正確嘅慷莊大道, 佢哋會身體健康啦!
我係網上搵到一篇講蛋白質嘅文章, 覺得不防睇吓, 可以對蛋白質呢樣嘢有多D認識!!
http://yippompom.blogspot.hk/2011/10/blog-post_15.html
http://yippompom.blogspot.hk/2011/10/blog-post_1770.html
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
